ઓવૈસીના શપથ ગ્રહણ કરતી વખતે લાગ્યા 'જય શ્રી રામ'ના નારા, તો સાંસદે કહી આ વાત

Published: Tuesday, June 18, 2019, 16:17 [IST]

નવી દિલ્હીઃ લોકસભા ચૂંટણીમાં ભાજપ પાર્ટીની શાનદાર જીત બાદ પીએમ મોદીના નેતૃત્વમાં નવી સરકારે કમાન સંભાળી લીધી છે. આ દરમિયાન 17મી લોકસભાનું પહેલું સંસદ સત્ર સોમવારથી શરૂ થઈ ગયું. સત્રના પહેલા દિવસે ચૂંટાઈને આવેલ સભ્યોએ સાંસદ તરીકે શપથ ગ્રહણ કર્યા. AIMIMના અધ્યક્ષ ઓવૈસીએ પણ શપથ ગ્રહણ કર્યા. જે સમયે ઓવૈશી શપથ ગ્રહણ કરી રહ્યા હતા ત્યારે અચાનક લોકસભામાં સત્તાધારી પાર્ટીના કેટલાક સાંસદોએ જય શ્રી રામ અને વંદે માતરમના નારા લગાવવા શરૂ કરી દીધા. આ નારેબાજી પર એઆઈએમઆઈએમ સાંસદે સંસદ પરિસરમાં પોતાના વાત રાખી.

જય શ્રી રામના નારા લાગ્યા

સમગ્ર મામલો ત્યારે સામે આવ્યો જ્યારે અસાદુદ્દીન ઓવૈસી લોકસભામાં પોતાની સીટ પરથી ઉઠીને શપથ લેવા માટે વેલમાં આવ્યા. આ દમરિયાન સત્તાધારી પાર્ટીના કેટલાક સાંસદોએ જય શ્રી રામ અને વંદે માતરમના નારા લગાવવા શરૂ કરી દીધા. જો કે ઓવૈસીએ પણ આ દરમિયાન બંને હાથ ઉપર ઉઠાવ્યા અને જોરથી નારા લગાવવા ઈશારો કર્યો. એટલું જ નહિ જ્યારે ઓવૈસીએ શપથ લઈ લીધા તો તેમણે પણ જયભીમ, જય ભીમ, અલ્લા-ઓ-અકબર, જય હિંદના નારા લગાવ્યા હતા.

Asaduddin Owaisi, AIMIM on 'Jai Sri Ram' & 'Vande Mataram' slogans being raised in Lok Sabha while he was taking oath as MP: It is good that they remember such things when they see me, I hope they will also remember the constitution and deaths of children in Muzaffarpur. pic.twitter.com/THJN8n8out
— ANI (@ANI) June 18, 2019

ઓવૈસીએ કહી આ વાત

બાદમાં સંસદ ભાવન પરિસરમાં જ્યારે તેમને શપથ ગ્રહણ દરમિયાન જય શ્રી રામના નારાને લઈ સવાલ કરવામાં આવ્યો તો ઓવૈસીએ કહ્યું કે આ સારું છે કે તેઓ જ્યારે મને જુઓ છે ત્યારે તેમને આવી ચીજો યાદ આવે છે, મને ઉમ્મીદ છે કે તેઓ સંવિધાન અને મુઝફ્ફરપુરમાં બાળકોના મૃત્યુને પણ યાદ કરશે. ઓવૈસી હૈદરાબાદથી સાંસદ ચૂંટાઈને આવ્યા છે.

Delhi: Aam Aadmi Party MP from Punjab's Sangrur, Bhagwant Mann takes oath as member of the Lok Sabha, concludes with "Inquilab Zindabad". pic.twitter.com/S6LSzSkLRC
— ANI (@ANI) June 18, 2019

ભગવંત માને પણ લગાવ્યો ઈંકલાબ જિન્દાબાદનો નારો

પંજાબના સંગરુરથી ચૂંટાઈને આવેલ આમ આદમી પાર્ટીના સાંસદ ભગવંત માને પંજાબીમાં શપથ ગ્રહણ કર્યા. શપથ લીધા બાદ તેમણે ઈંકલાબ જિન્દાબાદના નારા લગાવ્યા. જો કે તેમના આ પ્રકારે શપથ ગ્રહણ સંપન્ન કરવા પર કેટલાક સાંસદોએ વાંધો ઉઠાવ્યો. જણાવી દઈએ કે ભગવંત માન આમ આદમી પાર્ટીના એકમાત્ર સાંસદ છે. ગત લોકસભા ચૂંટણીમાં પાર્ટીએ 4 સીટ પર જીત હાંસલ કરી હતી.

BJP's winning candidate from Mathura, Hema Malini takes oath as a Member of Parliament. She concluded her oath with "Radhe Radhe! Krishnam Vande, Jagat Guru." pic.twitter.com/lsrYDdo2WT
— ANI (@ANI) June 18, 2019

હેમા માલિનીએ કહ્યું રાધે રાધે

ભાજપના નેતા અને ઉત્તર પ્રદેશના મથુરા લોકસભા સીટ પરથી સાંસદ હેમા માલિનીએ શપથ ગ્રહણ કર્યું. તેમણે પોતાના શપથ ગ્રહણ રાધે-રાધે, કૃષ્ણમ વંદે, જગદ ગુરુ કહી સંપન્ન કર્યા. અભિનેતાથી સાંસદ બનેલ સની દેઓલે લોકસભામાં અંગ્રેજીમાં શપથ ગ્રહણ કર્યા. લોકસભા ચૂંટણીના કેટલાક દિવસ પહેલા ભાજમાં સામેલ થયેલ સની દેઓલે ગુરુદાસપુરથી કોંગ્રેસના સુનીલ જાખડને હરાવ્યા છે.

Published On June 18, 2019