પ્રેમિકાની મદદથી પોલિસે શરજીલ ઈમામને પકડ્યો, આ રીતે પાથરી જાળઃ પોલિસ સૂત્ર

ભડકાઉ ભાષણ બાદ દેશદ્રોહના આરોપમાં ફસાયેલા શરજીલ ઈમામની ધરપકડ વિશે મોટો ખુલાસો થયો છે. મીડિયા રિપોર્ટ્સ અનુસાર છાત્ર શરજીલને પકડવા માટે પોલિસે તેની ગર્લફ્રેન્ડ પર દબાણ કર્યુ ત્યારબાદ પોલિસને સફળતા મળી છે. પોલિસને શરજીલ અને તેની પ્રેમિકાના સંપર્કમાં હોવાની માહિતી મળી હતી ત્યારબાદ પોલિસે યુવતીનો સંપર્ક કરીને શરજીલની ધરપકડ કરી.

પ્રેમિકાએ ફોન કરીને તેને મળવા માટે બોલાવ્યા

પોલિસ ટીમે સોમવારે શરજીલના દોસ્ત અને ભાઈની ધરપકડ કરીને જ્યારે પૂછપરછ શરૂ કરી તો માલુમ પડ્યુ કે અંડરગ્રાઉન્ડ થયા બાદ પણ શરજીલ પોતાની પ્રેમિકાના સંપર્કમાં હતો. પોલિસે શરજીલની ધરપકડ માટે તેની પ્રેમિકાનો સંપર્ક કર્યો. શરજીલની પ્રેમિકાએ તેને ફોન કરીને મલિક ટોલા ગામ પાસે ઈમામવાડામાં મળવા માટે બોલાવ્યો જ્યાં પોલિસે ગાળિયો કરીને તેને પકડી લીધો.

વીડિયો વાયરલ થયા બાદ કેસ આવ્યો સામે

શરજીલની પ્રેમિકાએ તેની ધરપકડમાં મોટી ભૂમિકા નિભાવી હતી. આ ઑપરેશનમાં સ્થાનિક પોલિસ પણ દિલ્લી પોલિસની ક્રાઈમ બ્રાંચ ટીમ સાથે હતી. શરજીલ ઈમામને ધરપકડ કરનારી પોલિસ ટીમનુ નેતૃત્વ દિલ્લી પોલિસના ડીસીપી ક્રાઈમ બ્રાંચ રાજેશ દેવ કરી રહ્યા હતા. તમને જણાવી દઈએ કે થોડા દિવસ પહેલા જ શરજીલ ઈમામનો એક વીડિયો વાયરલ થયો હતો જેમાં તેણે ભડકાઉ ભાષણ આપ્યા હતા.

પીએફઆઈના અમુક સભ્યોના સંપર્કમાં છે શરજીલ

શરજીલે પોતાના ભાષણમાં પૂર્વોત્તરના રાજ્ય અસમને ભારતથી કાપવાની વાત કહી રહ્યો હતો. ધરપકડ બાદ શરજીલનો ફોન ખોવાઈ ગયો છે. તેણે પોતાનો ફોન પોલિસને સોંપ્યો નથી. પોલિસ ટીમે નવો ફોન લઈને શરજીલના નંબરનુ વૉટ્સએપ શરૂ કર્યુ જેની ડેટાની તપાસમાં પોલિસને માલુમ પડ્યુ કે શરજીલ સાથે પીએફઆઈ સાથે જોડાયેલા અમુક લોકો પણ સંપર્કમાં હતા.

English summary

sharjeel imam girlfriend helps delhi police to arrest