સંજય દત્તે પૂણેની જેલમાં સરેન્ડર થવા માંગી પરવાનગી

Published: Tuesday, May 14, 2013, 18:13 [IST]

મુંબઇ, 14 મે : મુંબઇના 1993ના વિસ્ફોટ કાંડમાં દોષી અભિનેતા સંજય દત્તે મંગળવારે જણાવ્યું કે એક વિશેષ ટાડા કોર્ટને અપિલ કરી છે કે તેમને વિશેષ કોર્ટના સ્થાને પૂણેની યરવડા જેલમાં આત્મસમર્પણ કરવાની પરવાનગી આપવામાં આવે.

દત્તની અરજી પર સુનવણી કરી રહેલ ન્યાયાધીશ જીએ સનપે સીબીઆઇએ જવાબ દાખલ કરવાનો નિર્દેશ આપતા આ આ અરજી પર સુનવણી આવતીકાલ સુધી ટાળી દીધી છે. સરકાર અને સીબીઆઇ તરફથી સરકારી અભિયોજક દીપક સાલ્વી કોર્ટમાં રજૂ થયા. આનાથી થોડા કલાકો પહેલા સુપ્રિમ કોર્ટે સંજય દત્તને આત્મસમર્પણ કરવા માટે વધુ સમય આપવાનો ઇનકાર કરી દીધો હતો.

સંજય દત્તને ગેરકાનૂની રીતે 9 એમએમની પિસ્તોલ અને એકે 56 રાઇફલ રાખવાના ગૂનામાં સુપ્રીમ કોર્ટમાં પાંચ વર્ષની સજા ફટકારી છે. સંજય દત્ત પહેલા જ 18 મહીના જેલમાં વિતાવી ચૂક્યા છે અને હવે તેમને 42 મહીનાની બાકીની સજા કાપવાની છે.

આ પહેલા આજે મંગળવારે સુપ્રીમ કોર્ટે અભિનેતા સંજય દત્તને વધું એક ઝટકો આપતા બોલીવુડ નિર્માતાઓ દ્વારા કરવામાં આવેલી એ અરજીને રદ કરી દીધી હતી જેમાં અધૂરી ફિલ્મોની શૂટિંગ માટે સંજય દત્તને વધુ સમય આપવાની વાત કહેવામાં આવી હતી.

સંજયના જેલ જવાથી 2.5 અરબ રૂપિયા અટકી શકે છે. આને લઇને બોલીવુડ પણ ચિંતામાં છે, સુપ્રીમ કોર્ટમાં પી સત્યશિવમ અને બીએસ ચૌહાણની બેંચે એ કહેતા અરજી રદ કરી દીધી કે માર્ચમાં આપવામાં આવેલ નિર્ણય પર રિવ્યૂ માટે કોઇ ખાસ કેસ નથી બનતો. અન્ય છ દોષિયોની પણ અરજી રદ કરવામાં આવી ચૂકી છે.

Published On May 14, 2013