રિયોથી ભારત આવી પીવી સિંધુ, એરપોર્ટ પર થયું જોરદાર સ્વાગત...

Updated: Monday, August 22, 2016, 14:41 [IST]

રિયો ઓલિમ્પિકમાં સિલ્વર મેડલ જીતીને દેશનું માન વધારનાર પીવી સિંધુ સોમવારે સવારે ભારત પાછી ફરી છે. પીવી સિંધુ લગભગ સવારે 10 વાગ્યે હૈદરાબાદ એરપોર્ટ પર પહોંચી ત્યારે લોકોનો ઉત્સાહ તેને જોઈને જ બનતો હતો. લોકોએ પીવી સિંધુનું એરપોર્ટ પર જોરદાર સ્વાગત કર્યું.

પીવી સિંધુ રિયો ઓલિમ્પિકના બેડમિન્ટનના ફાઈનલમાં હારી ચુકી હતી. પરંતુ તેમ છતાં તેને સિલ્વર મેડલ જીતીને ઇતિહાસ બનાવી દીધો. પીવી સિંધુ દેશ માટે સિલ્વર મેડલ જીતનારી પહેલી મહિલા ખેલાડી બની ચુકી છે.

હૈદરાબાદ એરપોર્ટ પર પીવી સિંધુના સ્વાગતમાં લોકોએ ખુબ જ ઉત્સાહ બતાવ્યો. એરપોર્ટથી પીવી સિંધુ ડબલ ડેકર બસમાં બેસીને નીકળી. બસની છત પર ઉભા રહી પીવી સિંધુએ શહેરની જનતાનો આભાર વ્યક્ત કર્યો.