UPમાં પણ બીફ વાળા નિવેદનને લઇ રણબીરની મુશ્કેલીઓ વધી, બ્રહ્માસ્ત્ર જોનારા લોકોના મોઢા કાળા કરવાની ધમકી

અયાન મુખર્જી દ્વારા નિર્દેશિત 'બ્રહ્માસ્ત્ર' 9 સપ્ટેમ્બરે રિલીઝ થશે. બ્રહ્માસ્ત્ર ફિલ્મમાં રણબીર કપૂર અને આલિયા ભટ્ટ મહત્વની ભૂમિકામાં છે. આ ફિલ્મની રિલીઝ પહેલા જ વિરોધ શરૂ થઈ ગયો છે. મધ્યપ્રદેશથી તેની ગરમી હવે ઉત્તર પ્રદેશના આગ્રા જિલ્લામાં પહોંચી છે. અહીં રાષ્ટ્રીય હિંદુ પરિષદે જાહેરાત કરી છે કે જે પણ ફિલ્મ જોવા જશે તેનું મોઢું કાળું કરવામાં આવશે.

જે લોકો 'બ્રહ્માસ્ત્ર' જોશે તેમના મોઢા કાળા કરવામાં આવશે

ફિલ્મ 'બ્રહ્માસ્ત્ર' પર આ વિવાદ રણબીર કપૂરના નિવેદન બાદ શરૂ થયો છે, જેમાં તેણે પોતે કહ્યું હતું કે તેને 'બીફ' એટલે કે 'ગાયનું માંસ' ખાવું ગમે છે. રણબીર કપૂરના આ નિવેદન બાદ રાષ્ટ્રીય હિન્દુ પરિષદ ફિલ્મ 'બ્રહ્માસ્ત્ર'ના વિરોધમાં સામે આવી છે. રાષ્ટ્રીય હિન્દુ પરિષદના રાષ્ટ્રીય અધ્યક્ષ ગોવિંદ પરાશરે કહ્યું કે જે વ્યક્તિ બીફ ખાય છે તેને તેની ફિલ્મ જોવાની મંજૂરી આપી શકાય નહીં. જે પણ ફિલ્મ જોવા જશે તેનો ચહેરો કાળો કરવામાં આવશે. તેમનું કહેવું છે કે સનાતન ધર્મની વિરુદ્ધ અને પાકિસ્તાનના સમર્થનમાં રહેલી ફિલ્મને આગ્રામાં બતાવવાની મંજૂરી આપવામાં આવશે નહીં.

બીફ વાળા નિવેદનથી મુશ્કેલીમાં રણબીર

રાષ્ટ્રીય અધ્યક્ષ ગોવિંદ પરાશરે જણાવ્યું હતું કે શહેરમાં કોઈ પણ સંજોગોમાં આ ફિલ્મના પ્રદર્શનને મંજૂરી આપવામાં આવશે નહીં. મીડિયા સાથે વાત કરતા તેણે કહ્યું કે રણબીર કપૂર કહે છે કે તે બીફ ખાય છે. ફિલ્મની અભિનેત્રી આલિયા ભટ્ટની માતા પાકિસ્તાનનું સમર્થન કરે છે. ડિરેક્ટર કરણ જોહરનું કહેવું છે કે જો ફિલ્મ હિટ થશે તો તે પાકિસ્તાનને 51 કરોડ આપશે. તો અમે આ ફિલ્મને કેવી રીતે બતાવવાની મંજૂરી આપીએ? જે પાકિસ્તાન આપણા જવાનોને દિવસે ને દિવસે મારી રહ્યું છે.

કોણ છે ગોવિંદ પરાશર?

ગોવિંદ પરાશર ઉત્તર પ્રદેશના આગ્રા જિલ્લાના વતની છે અને હાલમાં રાષ્ટ્રીય હિન્દુ પરિષદના રાષ્ટ્રીય અધ્યક્ષ છે. આ પહેલા ગોવિંદ દર્શન બજરંગ દળમાં હતા અને કાશ્મીરમાં ધ્વજ ફરકાવતી વખતે ગંભીર રીતે ઘાયલ થયા હતા. હવે તેમણે પોતાનું સંગઠન બનાવ્યું છે.

ફિલ્મ 'બ્રહ્માસ્ત્ર'માં જોવા મળશે આ કલાકારો

ફિલ્મ 'બ્રહ્માસ્ત્ર'માં રણબીર ઉપરાંત આલિયા ભટ્ટ મહત્વની ભૂમિકા ભજવી રહી છે અને ફિલ્મમાં અમિતાભ બચ્ચન, નાગાર્જુન અને મૌની રોય જેવા કલાકારો પણ જોવા મળશે. રિપોર્ટ્સ અનુસાર, બ્રહ્માસ્ત્ર ફિલ્મને અત્યાર સુધીની સૌથી મોટી ફિલ્મ માનવામાં આવી રહી છે. ફિલ્મના દિગ્દર્શક અયાન મુખર્જીએ આ ફિલ્મના નિર્માણ માટે ઘણા વર્ષો લગાવ્યા છે.

English summary

Ranbir's troubles increased over the beef statement in UP too