RRB Calendar: રેલવેએ વર્ષ 2026નું ભરતી કેલેન્ડર કર્યું જાહેર, જાણો ક્યારે કેટલી થશે ભરતી

RRB Calendar: રેલવેમાં સરકારી નોકરી મેળવવાનું સપનું જોતા લાખો યુવાનો માટે એક ખૂબ જ મહત્ત્વની જાહેરાત કરવામાં આવી છે. રેલવે ભરતી બોર્ડ (RRB) દ્વારા વર્ષ 2026માં યોજાનારી વિવિધ ભરતી પરીક્ષાઓ માટેનું કામચલાઉ પરીક્ષા કેલેન્ડર બહાર પાડવામાં આવ્યું છે.

આ જાહેરાત એવા તમામ ઉમેદવારો માટે રાહતરૂપ છે જેઓ લાંબા સમયથી પરીક્ષાની તારીખો અને ભરતી પ્રક્રિયા અંગે સ્પષ્ટતાની રાહ જોઈ રહ્યા હતા.

ઉમેદવારોને મળશે તૈયારીની સ્પષ્ટ દિશા

આ પરીક્ષા કેલેન્ડર જાહેર થવાથી વિદ્યાર્થીઓને આગામી વર્ષમાં દરેક પોસ્ટ માટેના પરીક્ષાના સમયનો અંદાજ આવી જશે. આનાથી ઉમેદવારોને તેમના અભ્યાસનું આયોજન (પ્લાનિંગ) વધુ સારી રીતે કરવામાં મદદ મળશે, જેનાથી તેઓ સમયસર પોતાની તૈયારીઓને ગતિ આપી શકશે.

રેલવે બોર્ડ દ્વારા આ પગલું ભરતી પ્રક્રિયાને વધુ પારદર્શક, વ્યવસ્થિત અને સમયબદ્ધ બનાવવા માટે મહત્ત્વપૂર્ણ માનવામાં આવે છે.

RRB 2026 ભરતી કેલેન્ડર: માસવાર પરીક્ષાનું આયોજન RRB પરીક્ષા કેલેન્ડર 2026 મુજબ, સમગ્ર વર્ષ દરમિયાન તબક્કાવાર વિવિધ ભરતીઓ હાથ ધરવામાં આવશે. આયોજન મુજબ, કઈ પોસ્ટ માટે કયા મહિનામાં ભરતી પ્રક્રિયા શરૂ થઈ શકે છે તેની વિગતો નીચે મુજબ છે.

સમયગાળો | ભરતી પદોની શ્રેણીઓ

જાન્યુઆરી - માર્ચ 2026 | આસિસ્ટન્ટ લોકો પાયલટ (ALP)
એપ્રિલ - જૂન 2026 | ટેકનિશિયન અને સેક્શન કંટ્રોલર
જુલાઈ - સપ્ટેમ્બર 2026 | જુનિયર એન્જિનિયર (JE), ડેપો મટિરિયલ સુપરિન્ટેન્ડેન્ટ (DMS), કેમિકલ અને મેટલર્જિકલ આસિસ્ટન્ટ (CMA), પેરામેડિકલ સ્ટાફ, નોન-ટેક્નિકલ પોપ્યુલર કેટેગરી (NTPC) - ગ્રેજ્યુએટ અને અંડરગ્રેજ્યુએટ
ઓક્ટોબર - ડિસેમ્બર 2026 | મંત્રી સ્તરીય અને અલગ શ્રેણીઓ (Ministerial & Isolated Categories), તેમજ લેવલ-1 પદો

નોંધ: તમામ પરીક્ષાઓની ચોક્કસ તારીખો સંબંધિત RRB દ્વારા અલગથી સત્તાવાર સૂચનાઓ દ્વારા જાહેર કરવામાં આવશે.

ખાલી જગ્યાઓનું મૂલ્યાંકન OIRMS દ્વારા થશે

રેલવે બોર્ડે ભરતી પ્રક્રિયા સમયસર પૂર્ણ કરવા પર ભાર મૂક્યો છે. આ માટે, તમામ ઝોનલ રેલવે અને ઉત્પાદન એકમોને સ્પષ્ટ નિર્દેશો આપવામાં આવ્યા છે કે તેઓ નિર્ધારિત સમયમર્યાદામાં ખાલી જગ્યાઓનું મૂલ્યાંકન પૂર્ણ કરે.

આ સમગ્ર પ્રક્રિયા ઓનલાઈન ઇન્ટિગ્રેટેડ રેલવે મેનેજમેન્ટ સિસ્ટમ (OIRMS) દ્વારા હાથ ધરવામાં આવશે. આનો હેતુ એ સુનિશ્ચિત કરવાનો છે કે તમામ ખાલી જગ્યાઓનો ડેટા એક જ પ્લેટફોર્મ પર ઉપલબ્ધ હોય, જેથી 2026ની પરીક્ષાઓ કોઈપણ વિલંબ વિના યોજી શકાય અને ભરતી પ્રક્રિયાને સરળ તથા ઝડપી બનાવી શકાય.

English summary

RRB has released the provisional exam calendar for 2026. ALP recruitment will proceed from Jan-Mar, Technician posts from Apr-Jun, and NTPC/JE posts from Jul-Sep. This helps candidates plan their studies better.