Rahul Gandhi : શપથ લેતા રાહુલ ગાંધીએ મોટી ભૂલ કરી, યાદ આવતા ફરી સ્પીકર પાસે ગયા

Rahul Gandhi : 18મીં લોકસભાના પહેલા સત્રમાં તમામ સાંસદોએ શપથ લીધા છે. આ શપથ ગ્રહણ સમારોહ દરમિયાન રાહુલ ગાંધીએ એક ભૂલ કરી, જેની હવે ચર્ચા થઈ રહી છે.

18મી લોકસભાની કાર્યવાહીના બીજા દિવસે કોંગ્રેસ સાંસદ રાહુલ ગાંધીએ લોકસભાના સભ્ય તરીકે શપથ લીધા. આ દરમિયાન તેમણે કરેલી ભુલ વાયરલ થઈ ગઈ.

શપથ લીધા બાદ રાહુલ ગાંધી સ્પીકરને મળ્યા વગર સીધા જ સહી કરવા ગયા હતા. જો કે, તે વધુ આગળ વધે તે પહેલાં કોંગ્રેસના અન્ય સાંસદોએ રાહુલ ગાંધીને યાદ અપાવ્યું કે તેઓ સ્પીકરને મળ્યા નથી. આ પછી રાહુલ ગાંધી ફરી સ્પીકરની પાસે ગયા અને તેમનું અભિવાદન કર્યું.

સાંસદ તરીકે શપથ લેવા માટે રાહુલ ગાંધી પોતાની સાથે બંધારણની કોપી લઈને આવ્યા હતા. આ દરમિયાન તેમણે સત્તાધારી પક્ષને બંધારણની નકલ બતાવી અને લોકસભાના સભ્ય તરીકે શપથ લીધા. સાંસદ તરીકે શપથ લેતી વખતે રાહુલ ગાંધીએ એક હાથમાં બંધારણની કોપી પકડી હતી. રાહુલ ગાંધી ઉત્તર પ્રદેશની રાયબરેલી બેઠક પરથી સાંસદ છે.

લોકસભાની કાર્યવાહીના બીજા દિવસે સમાજવાદી પાર્ટીના અધ્યક્ષ અખિલેશ યાદવે લોકસભાના સભ્યપદના શપથ લીધા. તેઓ કન્નૌજથી લોકસભા ચૂંટણી જીતીને સંસદ પહોંચ્યા છે. શપથ લેતી વખતે તેમના હાથમાં પણ બંધારણની નકલ હતી.

અખિલેશ યાદવ ઉપરાંત તેમની પત્ની અને મૈનપુરીના સપા સાંસદ ડિમ્પલ યાદવે શપથ લીધા. તેમની સાથે મુઝફ્ફરનગરથી સપાના સાંસદ મહેન્દ્ર મલિક, કૈરાનાથી પાર્ટીના સાંસદ ઇકરા ચૌધરી, ફિરોઝાબાદથી પાર્ટીના લોકસભા સભ્ય અક્ષય યાદવ, બદાઉનથી સાંસદ આદિત્ય યાદવ અને અન્ય ઘણા સપા સાંસદોએ શપથ લીધા.

English summary

Rahul Gandhi: Rahul Gandhi made a big mistake while taking oath