Punjab News : સુખપાલની ધરપકડ પર બોલ્યા AAP નેતા મલવિંદર, ડ્રગ્સ સ્મગલિંગ કેસ વિશે કહીં આ વાત
Punjab News : પંજાબ પોલીસે ગુરુવારના રોજ કોંગ્રેસ પાર્ટીના ધારાસભ્ય સુખપાલ સિંહ ખૈરાની ધરપકડ કરી છે. કોંગ્રેસના ધારાસભ્યની આઠ વર્ષ જૂના ડ્રગ સ્મગલિંગ કેસમાં ધરપકડ કરવામાં આવી છે.
પંજાબ પોલીસે ગુરુવારની સવારે એક વિશેષ ઓપરેશન હેઠળ સુખપાલ સિંહની ધરપકડ કરી હતી. પંજાબ પોલીસે સુખપાલ સિંહની તેના ઘરેથી ધરપકડ કરી છે. પંજાબ આમ આદમી પાર્ટીએ ડ્રગ્સ સ્મગલિંગ કેસમાં કોંગ્રેસના ધારાસભ્યની ધરપકડને યોગ્ય ઠેરવી છે.
પંજાબ આમ આદમી પાર્ટીના નેતા માલવિંદર સિંહ કંગે જણાવ્યું હતું કે, પંજાબના લોકો લાંબા સમયથી નશાની લતનો શિકાર છે. પોલીસે કોંગ્રેસના ધારાસભ્ય સુખપાલ સિંહની ડ્રગ્સના કેસમાં ધરપકડ કરી છે. SITની તપાસમાં સુખપાલ ડ્રગ સ્મગલિંગમાં સંડોવાયેલો હોવાનું જાણવા મળ્યું છે. તેમણે કહ્યું કે તપાસ એજન્સીઓ અને પોલીસ કાયદા મુજબ તેમનું કામ કરશે.
AAPના નેતા કંગે જણાવ્યું હતું કે, પંજાબમાં ભગવંત માનની સરકાર ડ્રગના દુરૂપયોગ અને તેની તસ્કરીને રોકવા માટે પ્રતિબદ્ધ છે. માન સરકાર હેઠળ, રાજ્યમાં ડ્રગ સ્મગલરો સાથે કોઈ સમજૂતી કરવામાં આવશે નહીં, પછી તેમાં રાજકારણીઓ, સામાન્ય લોકો અથવા ડ્રગ સ્મગલરો સામેલ હોય. આમ આદમી પાર્ટીની સરકારમાં કોઈને બક્ષવામાં આવશે નહીં.
આ દરમિયાન પંજાબ આમ આદમી પાર્ટીએ સોશિયલ મીડિયા પર એક પોસ્ટ શેર કરી છે, જેમાં લખ્યું છે કે કોંગ્રેસ સરહદ પારથી ડ્રગના આરોપીને બચાવવા માટે હદથી આગળ વધી રહી છે. આ સાથે AAPએ આરોપ લગાવ્યો કે, સુખપાલ સિંહ ખૈરા અને પંજાબમાં ડ્રગ્સની દાણચોરી સાથેના તેમના કનેક્શનને લઈને કોંગ્રેસ અને ભાજપનો બેવડો ચહેરો છે.
આ સાથે કંગે વિપક્ષી પાર્ટીઓને પંજાબમાં AAP સરકાર દ્વારા ડ્રગ્સની દાણચોરી અને વ્યસન વિરુદ્ધ શરૂ કરવામાં આવેલા અભિયાનને સમર્થન આપવાની અપીલ કરી હતી. અન્યથા અન્ય વિરોધ પક્ષો પણ ડ્રગ્સની હેરાફેરીમાં સંડોવાયેલા છે તે સમજાશે.
આ દરમિયાન પંજાબના આરોગ્ય મંત્રી ડૉ. બલબીર સિંહે સુખપાલની ધરપકડને યોગ્ય ઠેરવતા જણાવ્યું હતું કે, પોલીસ અને તપાસ એજન્સીએ કાયદા હેઠળ કોંગ્રેસના ધારાસભ્યની ધરપકડ કરી છે.
આ સાથે તેમણે એ પણ પુનરોચ્ચાર કર્યો હતો કે, રાજ્યની ભગવંત માન સરકારના શાસનમાં નશાખોરી અને માદક દ્રવ્યોની દાણચોરીમાં સંડોવાયેલાઓને કોઈપણ સંજોગોમાં છોડવામાં આવશે નહીં.
ઉલ્લેખનીય છે કે, પંજાબ કોંગ્રેસના ધારાસભ્ય સુખપાલ સિંહની 2015ના કેસમાં ધરપકડ કરવામાં આવી છે. તેની સામે જલાલાબાદ પોલીસની આ કાર્યવાહી 2015ના ફાઝિલ્કા (પંજાબ) ડ્રગ્સ સ્મગલિંગ કેસ સાથે સંબંધિત છે.
AAP Punjab ਦੇ ਮੁੱਖ ਬੁਲਾਰੇ Malvinder Singh Kang ਜੀ ਦੀ ਅਹਿਮ Press Conference | Live https://t.co/52CojHW8TK
— AAP Punjab (@AAPPunjab) September 28, 2023
Click it and Unblock the Notifications
Sign in with Google
