રાજ બબ્બરના ઘરની બહાર BJP કાર્યકરોનું પ્રદર્શન

મુંબઇ, 26 જુલાઇ : મુંબઇમાં રાજ બબ્બરના ઘરની બહાર બીજેપી કાર્યકર્તાઓ દ્વારા તેમના 12 રૂપિયામાં પૂરતા ભોજનને પગલે જોરદાર વિરોધ પ્રદર્શન કર્યું. રાજ બબ્બરે બે દિવસ પહેલા એક સભા દરમિયાન ગરીબી રેખાનો ક્યાસ કાઢતા જણાવ્યું હતું કે મુંબઇમાં હજી પણ 12 રૂપિયામાં પેટ ભરીને ખાવાનું મળી રહે છે.

જ્યારે શુક્રવારે રાજ બબ્બરે પોતાના 12 રૂપિયામાં ભોજનવાળા નિવેદન પર ખેદ વ્યક્ત કર્યો છે. રાજ બબ્બરે જણાવ્યું હતું કે જો તેમના નિવેદનથી કોઇને દુ:ખ પહોંચ્યું હોય તો તેમને અફસોસ છે. જોકે આની સાથે જ તેમણે જણાવ્યું કે બીપીએલ પરિવાર માટે બોલી રહ્યા હતા.

અત્રે નોંધનીય છે કે બબ્બર સાહેબને એ વાતનો અંદાજ ન્હોતો કે તેમના નિવેદનથી આટલો બધો હોબાળો મચી જશે. ચારે બાજુથી વિરોધ થવાના કારણે રાજ બબ્બર સાહેબે આજે માફી તો માંગી લીધી અને સાથે એમ પણ જણાવ્યું કે પાર્ટીને નુકસાન થાય તેવું કામ તેઓ નથી કરવા ઇચ્છતા માટે તેઓ માફી માગે છે.

English summary

Protest against Raj Babbar out side of his home.