સાવધાન ! અશ્લીલ MMS, SMS મોકલ્યા, તો થશે 3 વર્ષની જેલ

Published: Thursday, October 11, 2012, 17:18 [IST]

નવી દિલ્હી, 11 ઓક્ટોબર: કોઇ મહીલાને અશ્લીલ મલ્ટીમીડિયા મેસેજ અથવા ઇમેલ મોકલ્યો તો તમને 3 વર્ષની જેલની સજા થઇ શકે છે. પ્રધાનમંત્રી મનમોહનસિંહની અધ્યક્ષતામાં શુક્રવારે મળેલી કેબિનેટની બેઠકમાં મહિલાઓને અશ્લીલ રીતે રજૂ કરવાની પ્રવૃત્તિને રોકવા માટે આ નિર્ણય લેવાયો હતો.

આ કાનૂન અનુસાર જે પણ આવી પ્રવૃત્તિ દોષી સાબિત થનારને સાત વર્ષની જેલની સખત સજા ફટકારવામાં આવશે તેમજ દંડ ફટકારવામાં આવશે.

સરકારી સૂત્રોના જણાવ્યા અનુસાર આ અંગે કરાયેલા એક સંશોધનને ધ્યાનમાં રાખીને પહેલીવાર દોષી સાબિત થનારને દંડની રકમ 2000થી વધારી ઓછામાં ઓછી 50 હજાર કરવામાં આવી છે, જે વધારેમાં વધારે 1 લાખ સુધીની રહેશે. તેમજ ત્રણ વર્ષની જેલની સજા તો ખરી જ.

જો કોઇ વ્યક્તિ બીજી વખત આ પ્રકારનો ગૂનો કરે છે તો તેને સાત વર્ષની જેલ અને પાંચ લાખ રૂપિયાનો દંડ થશે. જોકે ઇન્સ્પેક્ટરથી નીચેની રેંકના અધિકારીને જબ્તી અને તપાસના અધિકાર નથી.

Published On October 11, 2012