Mann Ki Baat: PM મોદીએ વર્ષ 2025ની સિદ્ધિઓ વર્ણવી, 'ઓપરેશન સિંદૂર' દરેક ભારતીય માટે ગર્વની વાત

Mann Ki Baat: PM નરેન્દ્ર મોદીએ રવિવારે 'મન કી બાત' કાર્યક્રમના 129મા એપિસોડ દ્વારા દેશવાસીઓને સંબોધિત કર્યા હતા. વર્ષ 2025ના આ અંતિમ સંબોધનમાં PM મોદીએ ભારતની સૈન્ય તાકાત, અવકાશ વિજ્ઞાનમાં મળેલી સફળતા અને રમતગમતના મેદાનમાં ભારતીય ખેલાડીઓના દબદબાનો ઉલ્લેખ કરી દેશવાસીઓમાં ગૌરવની લાગણી જગાડી હતી.

'ઓપરેશન સિંદૂર' અને રાષ્ટ્રીય સુરક્ષા

PMએ પોતાના સંબોધનમાં 'ઓપરેશન સિંદૂર'નો વિશેષ ઉલ્લેખ કરતા તેને રાષ્ટ્રીય સુરક્ષાનું નવું ધોરણ ગણાવ્યું હતું. તેમણે કહ્યું કે, આ મિશને સાબિત કર્યું છે કે ભારત પોતાની સુરક્ષા માટે કોઈ પણ હદ સુધી જઈ શકે છે. આ સાથે જ તેમણે 'વંદે માતરમ'ના 150 વર્ષ પૂર્ણ થવા પર દેશવાસીઓને અભિનંદન પાઠવ્યા હતા.

In the 129th edition of Mann Ki Baat, PM Narendra Modi says, "This year, 'Operation Sindoor' became a symbol of pride for every Indian. The world clearly saw that today's Bharat does not compromise on its security. During 'Operation Sindoor', pictures of love and devotion towards… pic.twitter.com/6B03XHw8GK

— ANI (@ANI) December 28, 2025

વર્ષ 2025: રમતગમત અને વિજ્ઞાનમાં ભારતનો સુવર્ણકાળ

PM મોદીએ વર્ષ દરમિયાન મળેલી મોટી સફળતાઓની યાદી રજૂ કરી હતી.

In the 129th edition of Mann Ki Baat, PM Narendra Modi says, "2025 was also a memorable year in terms of sports. Our Men's Cricket team won the ICC Champions' Trophy. The women's cricket team won the World Cup for the first time. The daughters of Bharat created history by winning… pic.twitter.com/iXRGLaPdyK

— ANI (@ANI) December 28, 2025

• ક્રિકેટમાં ડબલ વિજય: ભારતીય પુરુષ ટીમે ચેમ્પિયન્સ ટ્રોફી જીતી અને મહિલા ટીમે પ્રથમ વખત વર્લ્ડ કપ જીતીને ઈતિહાસ રચ્યો.
• પેરા એથ્લેટ્સ: બ્લાઈન્ડ T20 વર્લ્ડ કપના વિજેતાઓ અને પેરા ખેલાડીઓની પ્રશંસા કરતા PMએ તેમને દેશનું ગૌરવ ગણાવ્યા.
• સ્પેસ મિશન: શુભાંશુ શુક્લા ઈન્ટરનેશનલ સ્પેસ સ્ટેશન (ISS) પહોંચનારા પ્રથમ ભારતીય બન્યા, જે વિજ્ઞાન ક્ષેત્રે ભારતની વધતી શક્તિ દર્શાવે છે.
• પર્યાવરણ: દેશમાં ચિત્તાઓની સંખ્યા વધીને 30થી વધુ થઈ ગઈ છે, જે વન્યજીવ સંરક્ષણની મોટી સિદ્ધિ છે.

આસ્થા અને સંસ્કૃતિનો સંગમ

PMએ પ્રયાગરાજ મહાકુંભ અને અયોધ્યા રામ મંદિરમાં ધ્વજારોહણના પળોને યાદ કરી ભારતની આધ્યાત્મિક શક્તિનો પરિચય આપ્યો હતો. આ ઉપરાંત, વારાણસીની શાળાઓમાં તમિલ ભાષા શીખવવાના અભિયાનના વખાણ કરી તેને ભારતની સાંસ્કૃતિક વિવિધતા અને એકતાનું ઉત્તમ ઉદાહરણ ગણાવ્યું હતું.

યુવાનો માટે 'યંગ લીડર્સ ડાયલોગ'

આગામી 12 જાન્યુઆરી (વિવેકાનંદ જયંતિ) ના રોજ આયોજિત થનારા 'વિકસિત ભારત યંગ લીડર્સ ડાયલોગ' માટે PMએ યુવાનોને ખાસ આમંત્રણ આપ્યું છે. આ કાર્યક્રમમાં PM પોતે યુવાનો સાથે નવા ભારતના વિઝન પર સીધો સંવાદ કરશે.

English summary

In the 129th episode of Mann Ki Baat, PM Modi celebrated India's 2025 milestones, including Operation Sindoor, Cricket World Cup wins, and the ISS mission.