PM Modi In Assam: PM મોદીએ કર્યું શિલોંગ-સિલચર કોરિડોરનું ભૂમિપૂજન, 8 કલાકની સફર 5 કલાકમાં થશે

PM Modi In Assam: વડાપ્રધાન નરેન્દ્ર મોદીએ આસામ પ્રવાસ દરમિયાન સિલચરમાં શિલોંગ-સિલચર કોરિડોર પરિયોજનાનું ભૂમિપૂજન કર્યું. આ ઉત્તર-પૂર્વ ભારતનો પ્રથમ 'એક્સેસ-કન્ટ્રોલ્ડ ગ્રીનફિલ્ડ ફોર લેન હાઈ-સ્પીડ કોરિડોર' હશે. પીએમ મોદીએ તેને પૂર્વોત્તરના વિકાસ માટે સીમાચિહ્નરૂપ ગણાવ્યું હતું. આસામમાં થોડા જ દિવસોમાં ચૂંટણી યોજાવાની છે, તે પહેલા મહત્વની વિકાસ યોજનાઓની જાહેરાત અને શિલાન્યાસ કરવામાં આવી રહ્યો છે.

હાઈ-સ્પીડ કોરિડોરના ઉદ્ઘાટન દરમિયાન પીએમ મોદીએ કોંગ્રેસ પર પણ પ્રહાર કર્યા હતા. પીએમએ કહ્યું કે કોંગ્રેસના શાસનમાં દાયકાઓ સુધી પૂર્વોત્તર અને આસામને વિકાસ યોજનાઓથી વંચિત રાખવામાં આવ્યા હતા. આજે આસામ માત્ર પૂર્વોત્તર જ નહીં પરંતુ સમગ્ર દેશમાં વિકાસનું મોડેલ બની રહ્યું છે.

PM Modi In Assam: પીએમએ આસામ અને પૂર્વોત્તરને ગણાવ્યું વિકાસનું 'ગેટવે'

આસામના સિલચરમાં વડાપ્રધાન નરેન્દ્ર મોદીએ કહ્યું કે, "ભલે રસ્તાઓ હોય, રેલવે હોય કે કોલેજો, આ દરેક પ્રોજેક્ટ બરાક વેલીને ઉત્તર-પૂર્વના એક મોટા લોજિસ્ટિક્સ અને વેપાર કેન્દ્ર બનાવવાની દિશામાં આગળ વધારી રહ્યા છે. તેના પરિણામે આ વિસ્તારના યુવાનો માટે રોજગાર અને સ્વરોજગારની અગણિત તકો ઊભી થશે. આ વિવિધ વિકાસ પરિયોજનાઓ માટે હું આપ સૌને હાર્દિક અભિનંદન આપું છું."

Shillong Silchar Corridor થી આર્થિક વિકાસને વેગ મળશે

- આશરે 166 કિલોમીટર લાંબો આ પ્રોજેક્ટ લગભગ ₹22,860 કરોડના ખર્ચે તૈયાર કરવામાં આવશે. આ કોરિડોરથી મેઘાલય અને આસામ વચ્ચેની કનેક્ટિવિટીમાં મોટો સુધારો થશે.

- પરિયોજના પૂર્ણ થયા પછી ગુવાહાટી અને સિલચર વચ્ચેનું અંતર ઓછું થઈ જશે અને મુસાફરીનો સમય 8.5 કલાકથી ઘટીને આશરે 5 કલાક થઈ જશે.

- સરકારનું કહેવું છે કે આ હાઈ-સ્પીડ કોરિડોર પ્રદેશમાં આર્થિક વિકાસને ગતિ આપશે અને સીમાવર્તી વેપારને પણ પ્રોત્સાહન મળશે.

- તેનાથી પ્રવાસન, ઉદ્યોગ અને લોજિસ્ટિક્સ સેક્ટરને પણ મોટો ફાયદો થવાની અપેક્ષા છે.

English summary

PM Narendra Modi performed the Bhumi Pujan of the Shillong-Silchar Corridor in Assam. This ₹22,860 crore high-speed project will reduce travel time from 8 hours to 5 hours.