Video: 'PM મોદીએ પણ કરી હતી મારી નકલ, હું માફી નહિ માંગુ', ધનખડની મિમિક્રી પર કલ્યાણ બેનર્જીનો જવાબ

Mimicry Row: તૃણમૂલ કોંગ્રેસ (TMC)ના સાંસદ કલ્યાણ બેનર્જીને સંસદ સંકુલમાં રાજ્યસભાના અધ્યક્ષ અને ઉપાધ્યક્ષ જગદીપ ધનખડની નકલ કર્યા બાદ ઘણી ટીકાઓનો સામનો કરવો પડી રહ્યો છે. આ મુદ્દે રાજકારણ ગરમાયું છે. સંસદીય કાર્ય મંત્રી પ્રહલાદ જોશીએ પણ આ મામલો ગૃહમાં ઉઠાવ્યો હતો.જે બાદ અધ્યક્ષે તેને અપમાન ગણાવ્યું.

તેમણે કહ્યું કે તેમનું અપમાન કરવામાં આવી રહ્યું છે કારણ કે તેઓ ખેડૂત અને જાટ પૃષ્ઠભૂમિમાંથી આવ્યા છે. હવે આ મામલે કલ્યાણ બેનર્જીનું નિવેદન સામે આવ્યું છે. તેમનું કહેવું છે કે તેમણે કોઈનું અપમાન કર્યું નથી.

ટીએમસી સાંસદે કહ્યું, "મને ઉપરાષ્ટ્રપતિ માટે ઘણું સન્માન છે. મિમિક્રી એક કળા છે. પીએમએ પણ મિમિક્રી કરી હતી. મારો ઈરાદો નુકસાન પહોંચાડવાનો નહોતો." જો કે, જ્યારે બેનર્જીને માફી માંગવા વિશે પૂછવામાં આવ્યું ત્યારે તેમંણે સ્પષ્ટ ના પાડી દીધી. જ્યારે કલ્યાણ બેનર્જીને પૂછવામાં આવ્યું કે શું તેઓ આ મામલે માફી માંગશે તો તેમણે કહ્યું, "NO"

સોમવારે 78 સાંસદોને સસ્પેન્ડ કર્યા બાદ મંગળવારે અન્ય 49 સાંસદોને 'ગંભીર ગેરવર્તણૂક'ના આરોપસર બાકીના સત્ર માટે સસ્પેન્ડ કરવામાં આવ્યા હતા. સાંસદોના સસ્પેન્શન વચ્ચે કલ્યાણ બેનર્જી ગૃહની બહાર રાજ્યસભાના અધ્યક્ષ અને ઉપાધ્યક્ષ જગદીપ ધનખડની નકલ કરી રહ્યા હતા. આ દરમિયાન કોંગ્રેસ નેતા રાહુલ ગાંધી સહિત ઘણા વિપક્ષી સાંસદો ત્યાં હાજર હતા. સંસદ સંકુલમાં વિરોધ પ્રદર્શન દરમિયાન તેમણે આ કર્યું હતું.

જ્યારે કલ્યાણ બેનર્જી અધ્યક્ષનું અનુકરણ કરતા હતા. તે દરમિયાન કોંગ્રેસ નેતા રાહુલ ગાંધી તેમનો વીડિયો રેકોર્ડ કરતા જોવા મળ્યા હતા. આ સાથે રાહુલ ગાંધી સહિત તમામ વિપક્ષી નેતાઓ બેનર્જીના જોક પર હસતા જોવા મળ્યા હતા. એક વકીલે દિલ્હીના ડિફેન્સ કોલોની પોલીસ સ્ટેશનમાં કલ્યાણ બેનર્જી વિરુદ્ધ ફરિયાદ પણ નોંધાવી છે.

#WATCH | TMC MP Kalyan Banerjee mimics Rajya Sabha Chairman Jagdeep Dhankhar in Parliament premises pic.twitter.com/naabLIzibY

— ANI (@ANI) December 19, 2023

English summary

PM Modi also imitated me, I will not apologise', Kalyan Banerjee's response to Dhankhad's mimicry