Parliament Security Breach: સંસદમાં હુમલાના માસ્ટર માઈન્ડ લલિત મોહન ઝાએ આ રીતે રચ્યુ આખુ ષડયંત્ર

Who is Lalit Mohan Jha: સંસદની સુરક્ષા ભંગના માસ્ટરમાઇન્ડ લલિત મોહન ઝાની દિલ્હી પોલીસે ગુરુવારે ધરપકડ કરી હતી. દિલ્હી પોલીસે જણાવ્યું હતું કે લલિત ઝા પોતે જ પોલીસ સ્ટેશન આવ્યો હતો ત્યારબાદ પોલીસે તેની ધરપકડ કરી પૂછપરછ શરૂ કરી હતી.

આ કેસના ફરાર આરોપી લલિત ઝાની દિલ્હીથી ધરપકડ કરવામાં આવી હતી. તેના પર સંસદ સુરક્ષા ભંગ કેસમાં સમગ્ર ષડયંત્રનો માસ્ટરમાઈન્ડ હોવાનો આરોપ છે. આ દરમિયાન, દિલ્હીની પટિયાલા હાઉસ કોર્ટે ગુરુવારે સંસદ સુરક્ષા ભંગ કેસમાં ધરપકડ કરાયેલા ચારેય આરોપીઓના સાત દિવસના કસ્ટોડિયલ રિમાન્ડ મંજૂર કર્યા હતા.

એડિશનલ સેશન્સ જજ ડૉ. હરદીપ કૌરે ગુરુવારે ચારેય આરોપીઓ મનોરંજન ડી, સાગર શર્મા, અમોલ ધનરાજ શિંદે અને નીલમ દેવીના કૃત્ય પાછળના વાસ્તવિક હેતુઓ જાણવા માટે મુંબઈ, મૈસૂર અને લખનઉ જવાનીમંજૂરી આપી હતી. દિલ્હી પોલીસના જણાવ્યા અનુસાર, આરોપીએ લખનઉથી ખાસ જૂતા અને મુંબઈથી ડબ્બા ખરીદ્યા હતા. આ એક સુનિયોજિત કાવતરું હતું અને ભારતની સંસદ પર હુમલો હતો.

લલિત મોહન ઝા બુધવારના રોજ સંસદની સુરક્ષા ભંગની ઘટનામાં મુખ્ય આરોપી છે, જે સંયોગથી 2001 સંસદ હુમલાની 22મી વર્ષગાંઠ પર બની હતી. એવું કહેવામાં આવ્યું હતું કે લલિત મોહન ઝા બસ દ્વારા રાજસ્થાનના નાગૌર પહોંચ્યો અને પછી તે તેના બે મિત્રોને મળ્યો અને એક હોટલમાં રાત વિતાવી. પ્રાથમિક તપાસ મુજબ, દિલ્હી પોલીસે કહ્યું કે ઝાને જેવી ખબર પડી કે પોલીસ તેને શોધી રહી છે, તેણે બસથી દિલ્હી પાછા આવવાનું નક્કી કર્યું.

દિલ્હી પોલીસે જણાવ્યું કે ગુરુવારે મોટાપાયે સર્ચ કર્યા બાદ અધિકારીઓએ લલિત મોહન ઝાની ધરપકડ કરી હતી. એએનઆઈ ન્યૂઝ એજન્સીએ દિલ્હી પોલીસને ટાંકીને કહ્યું કે લલિત ઝા પોતે પોલીસ સ્ટેશન આવ્યો હતો ત્યારપછી પોલીસે તેની ધરપકડ કરી અને પૂછપરછ શરૂ કરી.

સમાચાર એજન્સી પીટીઆઈના અહેવાલ મુજબ તપાસના ભાગરૂપે, દિલ્હી પોલીસના સ્પેશિયલ સેલે ઝા વિશે વધુ માહિતી મેળવવા માટે એક NGOના સ્થાપક નીલકશ એશનો સંપર્ક કર્યો છે, જે કોલકાતા સ્થિત NGOનો ભાગ હોવાનું કહેવાય છે.

મીડિયા રિપોર્ટ્સ અનુસાર, કોલકાતાનો રહેવાસી લલિત ઝા વ્યવસાયે શિક્ષક છે. લલિત ઝા બુધવારે અન્ય ચાર સાથે સંસદ પહોંચ્યો હતો. તેઓને માત્ર બે પાસ મળ્યા ત્યારે તેઓએ ચારેયના મોબાઈલ ફોન - સાગર, મનોરંજન, નીલમ અને અમોલ - સાથે લઈ જવાનું નક્કી કર્યું. ચારેય આરોપીઓ - નીલમ, અમોલ, સાગર શર્મા અને મનોરંજન - ને પટિયાલા હાઉસ કોર્ટમાં રજૂ કરવામાં આવ્યા હતા, જ્યારે દિલ્હી પોલીસે રિમાન્ડ અરજી દાખલ કરી હતી.

English summary

Parliament security breach master mind Lalit Mohan Jha created the entire conspiracy in this way