પાક.નું ફરી નાપાક કૃત્ય, સરહદ પર કરી ભારતીય જવાનની હત્યા

Published: Friday, June 7, 2013, 18:41 [IST]

નવી દિલ્હી, 7 જૂન, પાકિસ્તાન પોતાની નાપાક હરકતોથી બાજ નથી આવી રહ્યું. પાકિસ્તાની સેનાએ એકવાર ફરી શુક્રવારે યુદ્ધવિરામનું ઉલ્લંઘન કરી ફાયરિંગ કર્યું છે. જમ્મૂ-કાશ્મીરના પૂંછ જિલ્લામાં થયેલ આ ફાયરિંગમાં ભારતીય સેનાનો એક જવાન શહીદ થઇ ગયો છે.

નવાજ શરીફના પ્રધાનમંત્રી બન્યા બાદ બંને દેશો વચ્ચે સારા સંબંધોની આશાને મોટો ઝટકો લાગ્યો છે. નવાજને પીએમની ખુરશી સંભાળ્યે માત્ર 2 દિવસ જ થયા છે કે પાકિસ્તાની સેનાએ પોતાની નાપાક હરકત કરી બતાવી છે.

શુક્રવારે જમ્મૂ-કાશ્મીરના પુંછ જિલ્લાના ફોજિયા સેક્ટરમાં પાકિસ્તાનની તરફથી ભારે ફાયરિંગ કરવામાં આવી. પાકિસ્તાની સૈનિકોએ રોકેટની મદદથી ભારતીય સીમામા ગ્રેનેડ છોડ્યા. આ ફાયરિંગમાં ભારતીય સેનાના એક જેસીઓની હત્યા થઇ ગઇ છે.

મરનાર સૈનિકની ઓળખ નાયબ સુબેદાર બચન સિંહ તરીકે કરવામાં આવી છે. લગભગ 2 કલાકથી ફાયરિંગ જારી છે. ભારતીય સૈનિક તરફથી પણ જવાબી ફાયરીંગ કરવામાં આવી રહ્યું છે.

Published On June 7, 2013