ખાદ્ય સુરક્ષાનો ખરડો રાષ્ટ્રપતિની મંજૂરી માટે મોકલવામાં આવ્યો

Published: Friday, July 5, 2013, 9:16 [IST]

નવી દિલ્હી, 5 જુલાઇ : કેન્દ્ર સરકારે ખાદ્ય સુરક્ષા અંગે તૈયાર કરવામાં આવેલો વટહુકમ રાષ્ટ્રપતિ પ્રણવ મુખરજીની પાસે તેમની મંજૂરી મેળવવા માટે મોકલી દેવામાં આવ્યો છે. રાષ્ટરપતિ સચિવાલયને ગુરુવાર, 4 જુલાઇના રોજ રાત્રે 10 વાગે આ વટહુકમ મળ્યો છે. રાષ્ટ્રપતિ ભવનના સૂત્રોએ આપેલી માહિતી અનુસાર તેને આ ખરડા અંગે વિચાર કરવા માટે રાષ્ટરપતિ પાસે મોકલવામાં આવ્યો છે.

આ ખરડાના રાજકીય વિરોધની અવગણના કરીને સરકારે દેશની બે તૃતીયાંશ વસતીને દર મહિને સબસિડી દરો પર પાંચ કિલોગ્રામ ખાદ્યાન્નનો અધિકાર આપવા માટે આ વટહુકમ લાવવાનો નિર્ણય બુધવારે લેવામાં આવ્યો હતો.

બીજી તરફ વિપક્ષી દળોએ આજે વટહુકમ લાવવા માટે સરકારની ટીકા કરી હતી. આ ઉપરાંત સંસદની અવગણના કરવાનો આરોપ પણ લગાવ્યો હતો. સંસદનું ચોમાસુ સત્ર થોડા જ સપ્તાહમાં શરૂ થવાનું છે. સરકારે વિપક્ષના આરોપોને ધ્યાનમાં નહીં લેતા જણાવ્યું કે તેઓ દેશના કરોડો લોકોને ખાદ્ય સુરક્ષા ઉપલબ્ધ કરાવવા માંગે છે.

Published On July 5, 2013