જૉનસન એન્ડ જૉન્સન શેમ્પુમાં મળ્યા કેન્સર પેદા કરતા કેમિકલ, ટેસ્ટ માટે મોકલાયા સેમ્પલ

રાજસ્થાનમાં જૉન્સન એન્ડ જૉન્સન શેમ્પુના સેમ્પલ ટેસ્ટમાં જોવા મળ્યુ કે આમાં કેમિકલ ફાર્મડિહાઈડ છે કે જે જાણીતુ કાસીનજન છે. તમને જણાવી દઈએ કે કેસ ત્યારે સામે આવ્યો છે જ્યારે થોડા સમય પહેલા અધિકારીઓએ જૉન્સન એન્ડ જૉન્સનના બેબી પાઉડરમાં એક તપાસ કરી હતી કે આમાં કેન્સર પેદા કરતા એસ્બેટોસ તો નથી. કંપનીએ કહ્યુ કે ફેબ્રુઆરીમાં જ્યારે સરકારને તપાસમાં આમાં કોઈ એસ્બેટોસ ન મળ્યા ત્યારે અમે બેબી પાઉડરનું પ્રોડક્શન ફરીથી શરૂ કરી દીધુ.

અધિકારીઓએ જણાવ્યુ કે હાલમાં અચાનક થયેલ ટેસ્ટ માટે શેમ્પુના 4 બેચથી અચાનક 24 બોટલો કાઢીને તેની તપાસ કરવામાં આવી. રાજસ્થાનના ડ્રગ કન્ટ્રોલર રાજારામ શર્માએ કહ્યુ કે ઉત્પાદમાં ફાર્મડિહાઈડ મળ્યુ છે કે જે પ્રિઝર્વેટીવ તરીકે ઉપયોગમાં લેવામાં આવે છે. પરંતુ કંપનીનો દાવો છે કે તેમણે ઉત્પાદનમાં ફાર્મલડિહાઈડનો ઉપયોગ નથી કર્યો જ્યારે ટેસ્ટમાં એ જોવા મળ્યુ છે.

તેમણે આગળ કહ્યુ કે અમે એ ન કહી શકીએ કે અમને ઉત્પાદનમાં કેટલી માત્રામાં ફાર્મલ ડિહાઈડ મળ્યુ છે પરંતુ હવે કંપનીએ ઉત્પાદનમાં આના ન હોવાનો દાવો કર્યો છે તો ઉત્પાદનના સેમ્પલને ટેસ્ટ માટે સેન્ટ્રલ ડ્રગ લેબોરેટરી મોકલવામાં આવશે. બીજા અને ફાઈનલ ટેસ્ટ બાદ આના પર અંતિમ નિર્ણય લેવામાં આવશે.

English summary

officials found cancer causing agent in johnson and johnson shampoo