હવે ફ્લાઈટમાં યાત્રીઓને કાબૂ કરવા ‘હાથકડી’ લગાવાશે, જાણો DGCAની નવી ગાઈડલાઈન

ફ્લાઇટમાં મુસાફરોની વધતી દાદાગીરીને ધ્યાનમાં રાખીને ડિરેક્ટોરેટ જનરલ ઓફ સિવિલ એવિએશન એટલે કે DGCA એ એરલાઇન્સ કંપનીઓને એક સલાહ આપી છે.

By Desk

Updated: Saturday, January 7, 2023, 0:00 [IST]

નવી દિલ્હી : ફ્લાઇટમાં મુસાફરોની વધતી દાદાગીરીને ધ્યાનમાં રાખીને ડિરેક્ટોરેટ જનરલ ઓફ સિવિલ એવિએશન એટલે કે DGCA એ એરલાઇન્સ કંપનીઓને એક સલાહ આપી છે. આમાં ભલામણ કરવામાં આવી છે કે ફ્લાઈટમાં હાથકડી જેવું કંઈક હોવું જોઈએ. જેથી દુર્વ્યવહાર કરનારા મુસાફરોને નિયંત્રિત કરી શકાય.

આ મુદ્દે માહિતી આપતા DGCAના એક વરિષ્ઠ અધિકારીએ જણાવ્યું હતું કે તેઓ લેવલ 3 પ્રકારના અવ્યવસ્થિત મુસાફરો એટલે કે અપમાનજનક શારીરિક હિંસક બાબકતોને રોકવા એરક્રાફ્ટની કેબિનમાં મૂકવામાં આવેલા ઉપકરણોનો ઉપયોગ કરવાની ભલામણ કરે છે.

તેમને જણાવ્યુ કે, આ ઉપકરણ હાથકડી જેવું છે. આ સાધન કેબિન ક્રૂને મદદ કરશે. ભારતમાં એર એશિયા જેવી કેટલીક એરલાઇન્સ પહેલાથી જ તેને એરક્રાફ્ટ કેબિનમાં રાખી રહી છે. તેમણે આગળ કહ્યું કે આ સાધનનો ઉપયોગ ત્યારે થઈ શકે છે જ્યારે સમાધાનના તમામ પગલાં ખતમ થઈ જાય. નાગરિક ઉડ્ડયન નિયમો કેબિન ક્રૂને આવા અનિયંત્રિત વર્તનના પરિણામો વિશે મુસાફરોને જાણ કરવા માટે જવાબદાર માને છે.

તમને જણાવી દઈએ કે 26 નવેમ્બરે એર ઈન્ડિયાની ફ્લાઈટમાં નશામાં પેસેન્જરે મહિલા પર પેશાબ કર્યો હતો. તેના કારણે મહિલાના કપડા અને બેગ ભીની થઈ ગઈ હતી. આનો વીડિયો વાયરલ થયા પછી, લોકોએ વ્યક્તિના કૃત્યની ટીકા કરી છે. આ કૃત્ય કરનાર વ્યક્તિની ઓળખ શંકર મિશ્રા તરીકે થઈ છે અને તે મુંબઈનો રહેવાસી છે.