સોનું-ચાંદી નહીં પણ ચોર ચોરી ગયો અઢી લાખના ટામેટાં

Tomatoes theft : દેશમાં મોંઘવારી સતત વધી રહી છે. શાકભાજીથી લઇને કઠોળ સુધી તમામ વસ્તુઓના ભાવ સતત વધી રહ્યું છે. ઉલ્લેખનીય છે કે, ટામેટાંના ભાવ રેકોર્ડબ્રેક વધારો નોંધાયો છે. સમગ્ર દેશમાં ટામેટાંના ભાવ 100 રૂપિયા પ્રતિ કિલો કરતા વધુ ભાવથી વેચાઇ રહ્યા છે.

ઘણા રાજ્યોમાં ટામેટાં 150 રૂપિયા પ્રતિ કિલો સુધી પહોંચી ગયા છે. આલમ એ છે કે, સામાન્ય લોકો માટે ભોજનમાં ટામેટાંનો ઉપયોગ વાસ્તવિકતાથી દૂર છે. ટામેટાં ઉપરાંત અન્ય શાકભાજીના ભાવે પણ સામાન્ય માણસના રસોડાનું બજેટ બગાડ્યું છે.

ટામેટાંના વધતા ભાવ વચ્ચે કર્ણાટકમાં એક ચોંકાવનારો કિસ્સો સામે આવ્યો છે. અત્યાર સુધી તમે સોના-ચાંદી કે અન્ય કિંમતી સામાનની ચોરીની વાત તો સાંભળી જ હશે, પરંતુ હાસન જિલ્લામાં એક વિચિત્ર કિસ્સો સામે આવ્યો છે.

ચોરોએ કોઈ ઘર કે બંગલામાં લૂંટ ચલાવી નથી, પરંતુ ખેડૂતના ખેતરમાં લૂંટ ચલાવી છે. ચોરોએ ખેડૂતના ખેતરમાંથી લાખો રૂપિયાના ટામેટાં ઉઠાવી ગયા હોવાનો આક્ષેપ છે.

ટામેટાંની ચોરીનો મામલો 4 જુલાઈની રાતનો છે. ખેડૂત ધરણીનું કહેવું છે કે, ચોરોએ તેમના ખેતરમાંથી ઘણા કિલો ટામેટાંની ચોરી કરી છે. ટામેટાંની કિંમત લગભગ 2.5 લાખ રૂપિયા છે.

ધરણીએ જણાવ્યું હતું કે, તેમણે બે એકર જમીનમાં ટામેટાંનો પાક ઉગાડ્યો હતો. તેણી ટામેટાંનો પાક કાપીને બજારમાં વેચવાની યોજના બનાવી રહી હતી, પરંતુ પછી ચોરોએ ટામેટાં પર હાથ સાફ કરી નાખ્યો હતો.

ધરણીએ ટામેટાંની ચોરી અંગે પોલીસમાં ફરિયાદ કરી છે. ધરણીએ જણાવ્યું કે, તેને બીન પાકમાં નુકસાન થયું હતું, તેથી તેમણે લોન લઈને ટામેટાંનો પાક ઉગાડ્યો હતો. ધારાણીએ જણાવ્યું હતું કે, ટામેટાંની ચોરી કર્યા બાદ ચોરોએ તેનો પાક પણ નાશ કર્યો. આ અંગે હાલેબીડુ પોલીસ સ્ટેશનમાં ફરિયાદ નોંધાવવામાં આવી છે.

Karnataka | Farmer alleges tomatoes worth Rs 2.5 lakhs were stolen from her farm in the Hassan district on the night of July 4.

A woman farmer, Dharani who grew tomatoes on 2 acres of land said that they were planning to cut the crop and transport it to market as the price… pic.twitter.com/fTxcZIlcTr

— ANI (@ANI) July 6, 2023

English summary

Not gold and silver, but the thief stole tomatoes worth two and a half lakhs