પંજાબમાં સ્ટુડન્ટ્સ માટે નવુ પોર્ટલ લૉન્ચ, હવે આ રીતે ડિજિટલ મોડમાં ભરી શકશો પોતાની ફી

વિદ્યાર્થીઓને ઑનલાઈન સુવિધા પૂરી પાડવા માટે સરકારે પંજાબ, પંજાબી અને ગુરુ નાનક દેવ યુનિવર્સિટી સાથે જોડાયેલી સરકારી કોલેજોમાં પ્રવેશ માટે કેન્દ્રિય પ્રવેશ પોર્ટલ શરૂ કર્યુ છે.

ચંદીગઢઃ વિદ્યાર્થીઓને ઑનલાઈન સુવિધા પૂરી પાડવા માટે સરકારે પંજાબ, પંજાબી અને ગુરુ નાનક દેવ યુનિવર્સિટી સાથે જોડાયેલી સરકારી કોલેજોમાં પ્રવેશ માટે કેન્દ્રિય પ્રવેશ પોર્ટલ શરૂ કર્યુ છે. આ પોર્ટલ મહાત્મા ગાંધી સ્ટેટ ઇન્સ્ટિટ્યૂટ ઑફ પબ્લિક એડમિનિસ્ટ્રેશન ખાતે ઉચ્ચ શિક્ષણમંત્રી ગુરમીત સિંહ મીત હરે દ્વારા લોન્ચ કરવામાં આવ્યુ હતુ.

પોર્ટલ લોન્ચ કર્યા પછી શિક્ષણમંત્રી ગુરમીત હરેએ જણાવ્યુ હતુ કે એડમિશન પોર્ટલ ડિપાર્ટમેન્ટ ઑફ એડમિનિસ્ટ્રેટિવ રિફોર્મ્સ દ્વારા ઉચ્ચ શિક્ષણ વિભાગના સહયોગથી વિકસાવવામાં આવ્યુ છે. ડિપાર્ટમેન્ટ ઑફ એડમિનિસ્ટ્રેટિવ રિફોર્મ્સે પોર્ટગોવ ઈન્ડિયા (પેમેન્ટ ગેટવે પાર્ટનર) સાથે ડિજિટલ મોડ દ્વારા વિદ્યાર્થી પાસેથી ફીની ચુકવણી માટે ભાગીદારી કરી છે. કૉમન એડમિશન પ્લેટફોર્મ ઉમેદવારો માટે પ્રવેશ પ્રક્રિયા માટે કેન્દ્રીય હબ તરીકે કામ કરશે અને વિદ્યાર્થીઓએ વિવિધ કૉલેજો અને અભ્યાસક્રમોમાં પ્રવેશ મેળવવા માટે માત્ર એક જ અરજી ફોર્મ ભરવાનુ રહેશે. એક સારી વાત એ છે કે વિદ્યાર્થીઓની ફીનુ પેમેન્ટ પણ ઑનલાઈન કરવામાં આવશે. આનાથી મેરિટ લિસ્ટ તૈયાર કરવામાં પણ સંપૂર્ણ પારદર્શિતા આવશે અને વિદ્યાર્થીઓ પ્રવેશ પ્રક્રિયા ઓનલાઈન જોઈ શકશે.

English summary

New portal launched for students in Punjab, now you will be able to pay your fees in digital mode