ચિદમ્બરમે સ્વીકાર્યું; નરેન્દ્ર મોદી કોંગ્રેસ માટે પડકારરૂપ

નવી દિલ્હી, 10 નવેમ્બર : ભાજપના પીએમ પદના ઉમેદવાર અેન ગુજરાતના મુખ્યમંત્રી નરેન્દ્ર મોદીને કોંગ્રેસ પાર્ટી એક પડકાર તરીકે ગણે છે એવું કેન્દ્રીય નાણાં પ્રધાન પી ચિદમ્બરમે કબૂલ કર્યું છે.

આજે ગોવાના પણજીમાં યોજાયેલા એક કાર્યક્રમમાં વિચારવિમર્શ દરમિયાન ચિદમ્બરમે કહ્યું કે રાજકીય પક્ષ તરીકે અમે એમને (મોદીને) એક ચેલેન્જર તરીકે ગણીએ છીએ. તે દેશના મુખ્ય વિરોધ પક્ષના ઉમેદવાર છે. અમારે તેમની અવગણના કરાય નહીં. ઉલ્લેખનીય છે કે અત્યાર સુધી કોંગ્રેસના નેતાઓ કેમેરા પર નરેન્દ્ર મોદીને ખાસ મહત્વ આપતા ન હતા. ચિદમ્બરમે જણાવ્યું કે આમ છતાં એક વ્યક્તિ તરીકે હું મોદીની વિચારસરણી, ફિલસૂફી અને જાહેરમાં તે જે પ્રકારની ભાષા બોલે છે તેને હું સ્વીકારતો નથી.

નોંધનીય છે કે આ પહેલા 8 ઓક્ટોબર, 2013ના રોજ એક વિદેશી સમાચાર એજન્સીને આપેલા ઇન્ટરવ્યૂમાં પણ ચિદમ્બરમે સ્વીકાર કર્યો હતો કે ભારતના શહેરી યુવાનોમાં નરેન્દ્ર મોદીનો ભારે ક્રેઝ છે. તેણે જણાવ્યું કે વર્તમાન રેલીઓમાં નરેન્દ્ર મોદી માત્ર ચૂંટણી વાયદા કરી રહ્યા છે. કોઇ મોટા અને ગંભીર મુદ્દે મોદીએ પોતાના વિચારો રજૂ કર્યા ન હતા.

English summary

Narendra Modi is a challenger for Congress : Chidambaram