મુંબઇમાં એકાંતમાં બેસેલા પ્રેમી યુગલ પર હશે પોલીસની નજર

મુંબઇ, 24 જાન્યુઆરીઃ વેલેનટાઇન ડે પહેલા જ મુંબઇ પોલીસે પ્રેમી યુગલની મુશ્કેલીઓ વધારી દીધી છે. મુંબઇ પોલીસે પ્રેમી યુગલ વિરુદ્ધ એક ફરમાન જારી કર્યું છે. આ ફરમાન અનુસાર, જે પ્રેમી યુગલ એકાંત અને ઓછી ભીડવાળા વિસ્તારોપર બેસેલા જોવા મળશે તો તેમના વિરુદ્ધ કડક કાર્યવાહી કરવામાં આવશે. પોલીસે આ ફરમાન સુરક્ષાને ધ્યાનમાં રાખીને કરવામાં આવ્યું છે, કારણ કે, પોલીસનું માનવું છે કે એકાંત અને ઓછી ભીડવાળા વિસ્તારો પર બેસેલા પ્રેમી યુગલો બદમાશો અને બળાત્કારીઓના શિકાર થાય છે. આ બાબતે મુંબઇ પોલીસે તમામ મથકો પર સર્ક્યુલર જારી કરી દીધું છે.

પોલીસનું કહેવું છે કે એકાંતમાં બેસેલા પ્રેમી યુગલ બદમાશો, રેપિસ્ટ અને હત્યારાઓના શિકારી હોઇ શકે છે, તેથી આવા પ્રેમી યુગલો પર કાર્યવાહી કરવાનો નિર્ણય કર્યો છે. ઉલ્લેખનીય છે કે, મુંબઇમાં સમુદ્રના કિનારે તમામ સ્થાનો પર પથ્થરોની આડમાં પ્રેમી યુગલોને બેસેલા સહેલાયથી જોઇ શકાય છે.

ઘણી વખત આ યુગલો બદમાશોના શિકાર થઇ જાય છે, તો ઘણી વખત તેમની કિમતી વસ્તુઓ છીનવીને ફરાર જઇ જાય છે. દિલ્હી ગેંગરેપની ઘટનાને ધ્યાનમાં રાખીને મુંબઇ પોલીસે તમામ પોલીસ મથકોમાં આ સર્ક્યુલર જારી કરી દીધો છે અને સખત કાર્યવાહીનો આદેશ આપ્યો છે.

મુંબઇમાં ગીરગાંવ ચૌપાટી, વર્લી સી-ફેસ, મરીન ડ્રાઇવ, દાદર ચૌપાટી, બાન્દ્રા બેન્ડ સેન્ટેન્ડ, જૂહુ ચૌપાટી, વર્સોવા બીચ, આક્સા બીચ, મડ આઇલેન્ડ, ગોરાઇ બીચ અને મનોરી જેવા સ્થળો છે, જ્યાં પ્રેમી યુગલને જોઇ શકાય છે. નોંધનીય છે કે થોડા સમય પહેલા સામૂહિક બળાત્કારની એક ઘટના સામે આવી હતી. બદમાશોએ એકાંતમાં બેસેલા પ્રેમી યુગલોને બંધક બનાવી લીધું હતું અને યુવતી સાથે 10 લોકોને સામૂહિક બળાત્કાર કર્યો હતો.

English summary

Mumbai Police have warned of action against couples who meet at isolated places. According to police officials such couple face the risk of becoming the victim miscreants and rapists at isolated location.