મુકેશ અંબાણીએ કોર્પોરેટ ઈતિહાસની સૌથી મોટી લોન લીધી, જાણો શું હોય છે સિન્ડિકેટ લોન?

નવી દિલ્હી : અદાણીને લઈને દેશભરમાં હંગામાનો માહોલ છે ત્યારે હવે અંબાણી તરફથી એક મોટા સમાચાર સામે આવ્યા છે. સામે આવી રહેલા અહેવાલો અનુસાર, મુકેશ અંબાણીએ તેની કંપની રિલાયન્સ ઇન્ડસ્ટ્રીઝ લિમિટેડ અને જીઓ ઈન્ફોકોમ માટે કોર્પોરેટ ઈતિહાસની સૌથી મોટી સિન્ડિકેટ લોન લીધી છે.

મીડિયા રિપોર્ટ અનુસાર, મુકેશ અંબાણીએ તેમની કંપનીઓ માટે લીધેલી આ સિન્ડિકેટ લોન કોર્પોરેટ ઈતિહાસની સૌથી મોટી લોન છે. રિલાયન્સ ઈન્ડસ્ટ્રીઝે વિદેશી ચલણ લોનના રૂપમાં વિવિધ બેંકો કન્સોર્ટિયમમાંથી બે તબક્કામાં 5 બિલિયન ડોલર લીધા છે. અહીં તમને જણાવી દઈએ કે સિન્ડિકેટ લોન બેંકો અને નાણાકીય સંસ્થાઓના જૂથ પાસેથી લેવામાં આવે છે.

સામે આવી રહેલા સમાચારો અનુસાર, રિલાયન્સે 55 બેંકો પાસેથી 3 અરબ રૂપિયાની લોન લીધી છે. આ સિવાય જીઓ ઈન્ફોકોમે 18 બેંકો પાસેથી વધારાના 2 અરબ રૂપિયાની લોન લીધી છે. રિલાયન્સે 31 માર્ચ પહેલા ત્રણ અરબ રૂપિયાની લોન લીધી હતી અને હવે આ અઠવાડીયામાં અન્ય બે અરબ રૂપિયાની લોન લીધી છે.

રિલાયન્સ જીઓ દ્વારા લેવામાં આવેલી આ લોન કેપિટલ ખર્ચ તરીકે ઉપયોગ કરશે. આ રૂપિયાથી દેશભરમાં જીઓ 5G નેટવર્ક શરૂ કરશે. રિલાયન્સ દ્વારા લેવામાં આવેલા ત્રણ અરબ રૂપિયા તાઇવાનની લગભગ બે ડઝન બેંકો તેમજ બેંક ઓફ અમેરિકા, HSBC, MUFG, Citi, SMBC, Mizuho અને Crédit Agricole જેવી વૈશ્વિક બેંકો સહિત 55 ધિરાણકર્તાઓ પાસેથી લેવાઈ છે.

પહેલી લોનના સારા પ્રતિસાદ બાદ બે અબજ ડોલરની વધારાની લોન લેવાનો નિર્ણય લેવાયો હતો. આ પછી 55 ધિરાણકર્તાઓ પાસેથી સમાન શરતો પર બે અબજ ડોલરની નવી લોન લેવામાં આવી હતી.

English summary

Mukesh Ambani took the largest loan in corporate history