2014માં મોદીને મોટી જવાબદારી, રાજનાથસિંહનો ઇશારો

Published: Monday, February 18, 2013, 15:08 [IST]

નવી દિલ્હી, 18 ફેબ્રુઆરી: ગુજરાતના મુખ્યમંત્રી નરેન્દ્ર મોદી ટૂંક સમયમાં રાષ્ટ્રીય ભૂમિકામાં દેખાય તેવી શક્યતા છે, ભારતીય જનતા પાર્ટી અધ્યક્ષ રાજનાથસિંહે કંઇક આવો ઇશારો આજે કર્યો છે. જોકે ચર્ચામાં તો નરેન્દ્ર મોદી પહેલેથી જ રાષ્ટ્રીય ભૂમિકામાં આવી ગયા છે. રાજનાથસિંહે જણાવ્યું કે 'આવનારી સામાન્ય ચૂંટણીઓમાં નરેન્દ્ર મોદીની જવાબદારીપૂર્ણ ભૂમિકા રહેશે.' તેમણે સાથે સાથે એ પણ જણાવ્યું કે મોદી પાર્ટીના સૌથી લોકપ્રિય નેતા છે.

બીજેપી અધ્યક્ષે જણાવ્યું કે બીજેપી તરફથી પ્રધાનમંત્રી પદનો ઉમેદવાર અંગેનો નિર્ણય પણ ટૂંક સમયમાં જ લેવામાં આવશે. પાર્ટીની સંસદીય સમિતિની બેઠકમાં આ અંગેનો નિર્ણય કરવામાં આવશે. જોકે બીજેપી મોદીને પ્રધાનમંત્રી પદના ઉમેદવાર તરીકે મોદીના નામને જાહેર કરશે એ પ્રશ્ન હજી ઊભોને ઊભો જ છે.

બીજેપી 2014ની સામાન્ય ચૂંટણી માટે મોદીને પાર્ટીની ચૂંટણી પ્રચાર સમિતિના અધ્યક્ષ જાહેર કરી શકે છે. તેની ઔપચારિક જાહેરાત આ વર્ષના માર્ચ મહીનાના શરૂઆતમાં કરી દેવામાં આવે તેવી શક્યતા છે.

જોકે ગુજરાતમાં મુખ્યમંત્રી તરીકે હેટ્રિક લગાવનાર અને દેશમાં મોદીની વધતી લોકપ્રિયતાને ધ્યાનમાં રાખતા સ્વયંમસેવક સંઘે પણ મોદીના નામ પર મોહર લગાવી દીધી છે. બીજેપીની કાર્યકારીણી સમિતિની બેઠક માર્ચ મહિનામાં યોજાઇ શકે તેવી શક્યતા છે.

Published On February 18, 2013