નાગરિકતા મળ્યા બાદ અક્ષય કુમારે પહેલી વાર આપ્યો વોટ, ફરહાન અખ્તરે મત આપીને લોકોને કરી અપીલ

Published: Monday, May 20, 2024, 9:02 [IST]

Lok Sabha Elections 2024: 5 રાજ્યોમાં લોકસભા ચૂંટણીના પાંચમા તબક્કાનું મતદાન શરૂ થઈ ગયું છે. મહારાષ્ટ્રના પોલિંગ બૂથ પર બૉલિવુડના ઘણા સ્ટાર્સ પણ મતદાન કરવા પહોંચ્યા હતા. બૉલિવુડ ખેલાડી અક્ષય કુમાર અને પ્રખ્યાત અભિનેતા ફરહાન અખ્તરે સોમવારે પોતાનો મત આપ્યો.

ભારતીય નાગરિકતા મળ્યા બાદ અક્ષય કુમારે પ્રથમ વખત મતદાન કર્યું. આ સાથે તેણે મીડિયા સાથે વાત કરી અને કહ્યું, 'હું ઈચ્છું છું કે ભારત વિકસિત અને મજબૂત રહે. આને ધ્યાનમાં રાખીને જ મેં મારો મત આપ્યો છે. મેં વ્યક્તિગત રીતે મતદાન કેન્દ્રમાં લગભગ 500-600 લોકોને જોયા છે. આવી સ્થિતિમાં, તે સારું રહેશે.

આ સાથે જ વોટ આપ્યા બાદ અક્ષયે ચૂંટણી શાહી બતાવી અને કેમેરા સામે ઘણા પોઝ આપ્યા. તમને જણાવી દઈએ કે આ પહેલા અક્ષય પાસે કેનેડાની નાગરિકતા હતી પરંતુ ભારતીય નાગરિકતા પ્રમાણપત્રની તસવીર સોશિયલ મીડિયા પર શેર કરીને તેણે કહ્યું હતુ કે હવે તે સંપૂર્ણ રીતે ભારતીય છે.

આ સિવાય બૉલિવુડ એક્ટર ફરહાન અખ્તર અને તેના પિતા અને લેખક જાવેદ અખ્તર મુંબઈમાં મતદાન કરવા માટે લાંબી કતારમાં ઉભા હતા. પોતાનો મત આપ્યા પછી, તેમણે મીડિયા સાથે વાત કરી અને લોકોને તેમનો મત આપવા માટે અપીલ પણ કરી.

મીડિયા સાથે વાતચીત દરમિયાન ફરહાન અખ્તરે કહ્યું, "મારો મત સુશાસન માટે છે, એવી સરકાર માટે છે જે તમામ લોકોની સંભાળ રાખે છે. મહેરબાની કરીને તમે બધા ઘરની બહાર આવો અને મતદાન કરો." તમને જણાવી દઈએ કે સવારથી જ મતદાનનો તબક્કો શરૂ થયો છે. લોકો ધીમે ધીમે મતદાન મથક સુધી પહોંચી રહ્યા છે. આજે 5માં તબક્કામાં જે 8 રાજ્યોમાં મતદાન થશે તે છે તેમાં બિહાર, જમ્મુ-કાશ્મીર, લદ્દાખ, ઝારખંડ, મહારાષ્ટ્ર, ઓડિશા, ઉત્તર પ્રદેશ અને પશ્ચિમ બંગાળનો સમાવેશ થાય છે.

#WATCH | Actor Akshay Kumar shows the indelible ink mark on his finger after casting his vote at a polling booth in Mumbai.

He says, "...I want my India to be developed and strong. I voted keeping that in mind. India should vote for what they deem is right...I think voter… pic.twitter.com/mN9C9dlvRD
— ANI (@ANI) May 20, 2024

VIDEO | Lok Sabha Elections 2024: “My vote is for good governance, the government that looks after all people. Please step out and vote,” said actor Farhan Akhter who arrived at a polling station in Bandra West, Mumbai to cast his vote.

(Full video available on PTI Videos -… pic.twitter.com/x42ZhuqLMz
— Press Trust of India (@PTI_News) May 20, 2024