લોકસભા-વિધાનસભાની ચૂંટણી થઈ શકે એકસાથે, લૉ કમિશનનું મળ્યું સમર્થન

છેલ્લા કેટલાય સમયથી મોદી સરકાર દેશભરમાં વિધાનસભા અને લોકસભાની ચૂંટણી એકસાથે થાય તેવું વિચારી રહી હતી. આના માટે ચૂંટણી પંચ, નાણામંત્રાલય સહિતના કેટલાય વિભાગો અને એજન્સીઓ સાથે વાર્તાલાપ પણ કરવામાં આવ્યો હતો. જો કે હવે લાગી રહ્યું છે કે દેશભરમાં એકસાથે ચૂંટણી કરાવવાનું મોદીનું સપનું સાકાર થઈ શકે છે.

લૉ કમિશને સમર્થન આપ્યું

એક દેશ એક ચૂંટણીના પ્રસ્તાવ પર લૉ કમિશને સરકારને પોતાનો રિપોર્ટ સોંપ્યો છે. આ રિપોર્ટમાં લૉ કમિસને સરકારના લોકસભા તથા વિધાનસભા ચૂંટણી એક કરાવવાના પ્રસ્તાવને સમર્થન આપ્યું છે. ઉપરાંત લોકસભા અને વિધાનસભા ચૂંટણી એકસાથે કરાવવાના મુદ્દા પર તૈયાર કરાયેલ રિપોર્ટમાં સંવિધાન અને કાયદામાં બદલાવ કરવાની ભલામણ કરવામાં આવી છે.

સંવિધાનમાં કરવું પડશે સંશોધન

લૉ કમિશને પોતાના રિપોર્ટમાં કહ્યું કે, આયોગ આ તથ્યો જાણે છે કે હાલના ઢાંચા અંતર્ગત એકસાથે ચૂંટણી કરાવવી સંભવ નથી. માટે કેટલાક જરૂરી સંવૈધાનિક સંશોધન કરવાની સલાહ આપી છે. કમિશને કહ્યું કે આયોગે સુનિશ્ચિત કર્યું કે સંવિધાન અને અન્ય વિધિઓમાં સામાન્ય સંશોધન થશે. જેના પ વધુ ચર્ચા પણ જરૂરી છે.

ચૂંટણી પંચે શું કહ્યું?

લૉ કમિસન પહેલા ચૂંટણી પંચ પણ એકસાથે ચૂંટણી કરાવવાની બાબત પર પોતાની સ્થિતિ સ્પષ્ટ કરી ચૂક્યું છે. ચૂંટણી પંચનું કહેવું છે કે હાલ સંવિધાનના પ્રાવધાનો મુજબ આ શક્ય નથી, માટે સરકારે પહેલા સંવિધાનની પ્રાવધાનો પર ધ્યાન આપવું જોઈએ.

English summary

Law Commission endorses proposal for simultaneous Lok Sabha, assembly polls in draft report