Karnataka Result : હિમાલયથી સમુદ્ર સુધી બીજેપી હારી રહી છે-ભુપેશ બઘેલ

કર્ણાટકમાં બીજેપીની હાર થતા હવે તમામ વિપક્ષી નેતાઓ બીજેપી પર આકરા પ્રહારો કરી રહ્યા છે. નફરતની રાજનીતિ અને લોકોને ગુમરાહ કરતા નિવેદનો બાદ હવે હાર થતા બીજેપીને આકરી ટીકાનો સામનો કરવો પડી રહ્યો છે.

બીજી તરફ શાનદાર જીત બાદ હવે કોંગ્રેસમાં ઉત્સાહનો માહોલ છે. રાહુલ ગાંધીની ભારત જોડો યાત્રા અને કોંગ્રેસની નેતાગીરીએ ધમાકેદાર જીત અપાવી છે ત્યારે છત્તીસગઢના મુખ્યમંત્રી ભુપેશ બઘેલનું નિવેદન સામે આવ્યુ છે.

કોંગ્રેસના વરિષ્ઠ નેતા અને છત્તીસગઢના મુખ્યમંત્રી ભૂપેશ બઘેલે બીજેપી પર કટાક્ષ કરતા કહ્યું કે, જે લોકો કોંગ્રેસ મુક્ત ભારતની વાત કરતા હતા તે આજે ભારતીય જનતા પાર્ટી મુક્ત દક્ષિણ ભારત બની ગયા છે.

તેમણે કહ્યું કે, બીજેપી હિમાલયથી સમુદ્ર સુધી હારી રહી છે. જેઓ કહે છે કે કોંગ્રેસ મુક્ત ભારત તેનાથી આજે દક્ષિણ ભારતમાં મુક્ત થઈ ગયું છે. તેમણે વધુમાં કહ્યું કે બજરંગ બલી કોંગ્રેસ સાથે છે તે સ્પષ્ટ છે.

મુખ્યમંત્રી ભુપેશ બઘેલે કહ્યું કે, બીજેપીને ખબર પડી ગઈ હતી કે તેઓ કર્ણાટકમાં હારવાના છે. આ જ કારણ છે કે ટીવી પર મોદીજીની જગ્યાએ નડ્ડાજીનો ફોટો આવવા લાગ્યો છે. બીજેપીના લોકો ફરી મોદીની જગ્યાએ યોગી-યોગી કરવા લાગ્યા, બુલડોઝરની વાતો કરવા લાગ્યા છે.

સીએમ બઘેલે આગળ કહ્યું કે, છત્તીસગઢમાં બીજેપી નેતાઓને ખબર પડી કે મોદીનો જાદુ ખતમ થઈ ગયો છે તેથી પહેલા જ બીજેપીના પ્રદેશ અધ્યક્ષ અરુણ સોએ યોગી-યોગી કરવાનું શરૂ કર્યું છે. આ જીત માટે તેમણે રાષ્ટ્રીય અધ્યક્ષ મલ્લિકાર્જુન ખડગે, પૂર્વ પ્રમુખ સોનિયા ગાંધી, રાહુલ ગાંધી અને પ્રિયંકા ગાંધી સહિત કર્ણાટકના કોંગ્રેસના નેતાઓ અને કાર્યકરોને અભિનંદન પાઠવ્યા.

English summary

Karnataka Result: BJP is losing from the Himalayas to the sea-Bhupesh Baghel