Julana Election Result : 100 ગ્રામ માટે ઓલિમ્પિક મેડલ ગુમાવનારી વિનેશ ફોગાટ હવે MLA, જાણો કેટલા મત મળ્યા?

Haryana Election Results 2024 : હરિયાણા વિધાનસભા ચૂંટણીમાં બીજેપી જીતતી જોવા મળી રહી છે. અહીં બીજેપી એકલા બહુમતથી સરકા બનાવી શકે છે.

આ ચૂંટણીમાં સૌથી ચર્ચિત ઉમેદવાર વિનેશ ફોગાટ હતી. પેરિસ ઓલિમ્પિકમાં માત્ર 100 ગ્રામ વજનને કારણે મેડલ ચુકી ગયેલી વિનેશ ફોગાટ ચૂંટણીના મેદાનમાં જીત મેળવવામાં સફળ રહી છે.

રેસલિંગ છોડીને ચૂંટણીમાં ઝંપલાવનારી વિનેશ ફોગાટે તેની પહેલી જ ચૂંટણીમાં શાનદાર જીત મેળવી છે. વિનેશ ફોગાટે બીજેપી ઉમેદવાર યોગેશ કુમારને હરાવ્યા છે. જો કે તેની પાર્ટી કોંગ્રેસ અહીં સત્તાથી દુર જોવા મળી રહી છે.

વિનેશ ફોગાટે શાનદાર જીત મેળવતા ભાજપના કેપ્ટન યોગેશ બૈરાગીને હરાવ્યા છે. વિનેશ ફોગાટની આ ચૂંટણી માત્ર જુલાના સીટ માટે નહોતી, પરંતુ તે દેશમાં હાજર પડકારો સામે હતી, જેમાં તેણી જીતી છે. વિનેશ ફોગટની આ જીત બાદ ફેન્સ તેને સોશિયલ મીડિયા પર સતત અભિનંદન આપી રહ્યા છે. અહીં વિનેશ ફોગાટે 6015 મતોથી જીત મેળવી છે.

બીજી તરફ હરિયાણાના પરિણામોની વાત કરીએ તો અહીં બીજેપીને 48 આસપાસ સીટો મળતી જોવા મળી રહી છે. તો બીજી તરફ કોંગ્રેસને 36 આસપાસ સીટો મળી રહી છે.

English summary

Julana Election Result: Vinesh Phogat won the election from Julana