જ્યુડિથ રવિને દક્ષિણ ભારતમાં અમેરિકાના કાઉંસિલ જનરલનું પદ સંભાળ્યું

Published: Monday, September 7, 2020, 7:32 [IST]

નવી દિલ્હીઃ જ્યુડિથ રવિને દક્ષિણ ભારતમાં યૂએસના નવાં કાઉન્સિલ જનરલ હશે. તેમણે આજે ચેન્નઈમાં પોતાનો કાર્યકાળ સંભાળી લીધો. પોતાનો કાર્યકાળ સંભાળ્યા બાદ તેમણે કહ્યું કે દક્ષિણ ભારતમાં સંયુક્ત રાજ્ય અમેરિકાનું પ્રતિનિધિત્વ કરવું મારું વિશેષ સૌભાગ્ય છે, ખાસ કરીને કોવિડ 19 મહામારીના આ ઐતિહાસિક અઘરો સમયમાં. હું કર્ણાટક, કેરળ, તમિલનાડુ અને ત્રણ કેન્દ્ર શાસિત પ્રદેશ આંદામાન અને નિકોબાર દ્વીપ સમૂહ, લક્ષગદ્વીપ અને પોંડીચેરીમાં સંયુક્ત રાજ્ય અમેરિકા અને ભારતના ભાગીદારી વાળા લક્ષ્યોને આગળ વધારવા માટે તત્પર છું.

ચેન્નઈથી પહેલા જ્યુડિથ પેરુના લીમામાં અમેરિકી દૂતાવાસમાં સાર્વજનિક મામલાના પરામર્શદાતાના રૂપમાં કાર્યરત હતાં. આ પહેલા તેઓ વોશિંગ્ટન, ડીસી, હૈતીમાં વિશેષ સમન્વયના કાર્યાલયમાં આંતરરાષ્ટ્રીય સંબંધ અધિકારી જનરલના રૂપમાં કામ કરતાં હતાં. જ્યુડિથ કેટલાય અન્ય રાજનાયિક પદો પર રહી ચૂકી છે. પાકિસ્તાનના ઈસ્લામાબાદ, સૈંટો ડોમિંગ ડોમિનિકન રિપબ્લિક, ખાર્તૂમ, સૂડાન, યાઉંડ, કૈમરૂન અને સ્યૂદાદ જુઆરેજ મેક્સિકોમાં પણ પોતાની સેવાઓ આપી ચૂકી છે.

જણાવી દઈએ કે રવિને સંયુક્ત રાજ્ય અમેરિકા ઉપરાંત ફ્રાંસ અને સ્પેનના વિશ્વવિદ્યાલયોમાં સ્નાતનો અભ્યાસ કર્યો છે. તે હાર્વર્ડ વિશ્વવિદ્યાલયથી રોમાંસ ભાષાઓમાં અને સાહિત્યમાં માસ્ટર ડિગ્રી ધરાવે છે. જ્યુડિથ ધારાપ્રવાહ સ્પેનિશ અને ફ્રેંચ ભાષા પણ બોલે છે. શરૂઆતના સમયમાં જ્યુડિથે અનુવાદક, સંપાદક અને પત્રકારના રૂપમાં આફ્રીકા અને લેટિન અમેરિકામાં કેટલાય વર્ષો સુધી પોતાની સેવાઓ આપી છે. તે બિયૉન્ડ અવર ડિગ્રીજ ઑફ સેપરેશનઋ વૉશિંગ્ટન મૉનસૂન અને ઈસ્લામાબાદ બ્લૂજ (2017) ની સહ-લેખિકા છે.

Published On September 7, 2020