ઇસરોના મંગળયાને મોકલી પૃથ્વીની પહેલી તસવીરો

ચેન્નઇ, 22 નવેમ્બર: લાલ ગ્રહ માટે મોકલવામાં આવેલા ભારતના પહેલા અભિયાન અંતર્ગત મંગળયાને આંધ્ર પ્રદેશના તટ તરફ વધી રહેલા ભીષણ ચક્રવાતી વાવાઝોડાની તસવીરો પાડીને મોકલાવી છે.

ભારતીય અવકાશ સંશોધન સંસ્થાએ ગુરુવારે અત્રે જણાવ્યું કે મંગળયાને પૃથ્વીની તસવીરોનો પ્રથમ સેટ મોકલ્યો છે. જેમાં ભારતીય ઉપમહાદ્વીપ અને આફ્રિકાના કેટલાંક ભાગોની તસવીરોને કેદ કરી છે. તોફાનની તસવીરો મંગળવારે લીધી હતી, પરંતુ ઇસરોએ ગુરુવારે જાહેર કરી હતી. આ તોફાન આવતીકાલે આંધ્રના તટ પર પહોંચશે.

ઇસરો સૂત્રોએ જણાવ્યું કે અમે અંતરિક્ષયાન પર લાગેલા ઉપકરણોની તપાસ કરી રહી છે. આ તસવીરો માર્સ રિપીટ માર્સ આર્બિટર અંતરિક્ષયાન પર લાગેલા માર્સ કલર કેમેરાથી મંગળવારે બપોરે એક વાગીને 50 મિનિટે 67975 કીમીની ઉંચાઇ અને 3.53 કિમીના રિઝોલ્યૂશનથી લીધેલી છે. એ પૂછવા પર કે શું આ તસવીરોને યોજનાબદ્ધ ખેંચવામાં આવી છે, કારણ કે અભિયાન તો મંગળગ્રહનું છે. સૂત્રોએ જણાવ્યું કે આ મંગળયાન પર લાગેલા ઉપકરણની તપાસનો એક ભાગ છે.

રાષ્ટ્રીય અંતરિક્ષ એજન્સીને એકથી વધારે તસવીરો મળી છે. પરંતુ તેમણે પોતાની અધિકારીક વેબસાઇટ પર આની માત્ર બે જ તસવીરો જાહેર કરી છે. તસવીરમાં ભારતીય ઉપમહાદ્વીપ અને આફ્રિકાના ભાગોને કેદ કરવામાં આવ્યા છે. આ તસવીરોમાં ભારત અને ભારતમાં ગુજરાત ખૂબ રણિયામણું દેખાય છે.
જુઓ તસવીરો...

આવું દેખાય છે ભારત

67975 કીમીની ઉંચાઇ અને 3.53 કિમીના રિઝોલ્યૂશનથી લેવામાં આવેલી તસવીમાં કંઇક આવું દેખાય છે ભારત.

આંધ્ર પ્રદેશ તરફ જઇ રહેલું 'હેલન'

આંધ્ર પ્રદેશના તટીય વિસ્તાર તરફ હેલન નામનું ચક્રવાતી વાવાઝોડું આગળ વધી રહ્યું છે. જે આ તસવીરમાં જોવા મળે છે.

આપણું ગુજરાત...

આ તસવીરમાં આપણું ગુજરાત પણ કંઇ આવું રણિયામણું દેખાય છે.

સાઉદી અરબ અને સાઉથ આફ્રીકા

સાઉદી અરબ અને સાઉથ આફ્રીકાનો કેટલોક વિસ્તાર પણ આ તસવીરમાં કેપ્ચર્ડ થયું છે.

મંગળયાન દ્વારા લેવાયેલ તસવીર

મંગળયાન દ્વારા લેવાયેલ આ એક માત્ર તસવીર ઇસરોએ પોતાની ઓફિસીયલ વેબસાઇટ પર જાહેર કરી છે.

English summary

ISRO's Mars Orbiter sends first picture of Earth, 'Helen' captured.