ઈન્ડિગો ફ્લાઈટનું ટેકનિકલ ખામીના કારણે પટનામાં ઈમરજન્સી લેન્ડિંગ

Published: Friday, August 4, 2023, 11:22 [IST]

દિલ્હી જતી ઈન્ડિગોની ફ્લાઈટમાં ટેકનિકલ ખામી સર્જાયા બાદ શુક્રવારની સવારે બિહારના પટનામાં જય પ્રકાશ નારાયણ ઈન્ટરનેશનલ એરપોર્ટ પર ઈમરજન્સી લેન્ડિંગ કરવામાં આવ્યું હતું, એમ અધિકારીઓએ જણાવ્યું હતું.

એરપોર્ટ અધિકારીઓના જણાવ્યા અનુસાર, ઈન્ડિગોની ફ્લાઈટ - 6E 2433 દિલ્હી જતી હતી, જેનું એન્જિન નિષ્ક્રિય હોવાના કારણે સવારે 9:11 કલાકે પટના એરપોર્ટ પર ઈમરજન્સી લેન્ડિંગ કરવામાં આવ્યું હતું.

એરપોર્ટ ડિરેક્ટરે જણાવ્યું હતું કે, ઇન્ડિગો ફ્લાઇટ 6E 2433 દિલ્હી જતી હતી, પટના એરપોર્ટથી પ્રસ્થાન થયાના ત્રણ મિનિટ પછી એક એન્જિન નિષ્ક્રિય થયું હતું. વિમાન 0911 કલાકે સુરક્ષિત રીતે ઉતર્યું હતું. એરપોર્ટ પર તમામ કામગીરી સામાન્ય છે.

જુલાઈની શરૂઆતમાં એર ઈન્ડિયાની દિલ્હી-પેરિસ ફ્લાઈટ ઈન્દિરા ગાંધી ઈન્ટરનેશનલ (IGI) એરપોર્ટ પર ટેક-ઓફ કર્યા બાદ તરત જ મૂળ એરપોર્ટ પર પાછી ફરી હતી અને દિલ્હી એર ટ્રાફિક નિયંત્રકોએ ફ્લાઈટના ક્રૂને રનવે પર શંકાસ્પદ ટાયરના કાટમાળ વિશે જાણ કરી હતી. એર ઈન્ડિયાના પ્રવક્તાએ જણાવ્યું હતું કે, ફ્લાઇટ બપોરે 2.18 કલાકે દિલ્હીમાં સુરક્ષિત રીતે પાછી આવી હતી.

Published On August 4, 2023