મોદીને ટાર્ગેટ કરવા આતંકવાદીઓનો કોડવર્ડ હતો 'મછલી 5'

Published: Wednesday, October 30, 2013, 17:12 [IST]

નવી દિલ્હી, 30 ઓક્ટોબર : રવિવારે બિહારના પટણામાં ગાંધી મેદાન ખાતે ભારતીય જનતા પાર્ટી - ભાજપના વડાપ્રધાન પદના ઉમેદવાર નરેન્દ્ર મોદીની હુંકાર રેલીમાં જે શ્રેણીબધ્ધ બોમ્બ વિસ્ફોટો થયા તે અંગે આતંકવાદીઓની યોજના અંગેના ખુલાસાઓ એક પછી એક બહાર આવી રહ્યા છે. આ અંતર્ગત અત્યાર સુધીનો સૌથી મહત્વનો ખુલાસો એ બહાર આવ્યો છે કે આ રેલીમાં નરેન્દ્ર મોદીને માનવ બોમ્બથી ઉડાવી દેવાની પૂરેપૂરી તૈયારી કરી લેવામાં આવી હતી. પોતાની યોજનાને સફળ બનાવવા અને નરેન્દ્ર મોદીને ટાર્ગેટ કરવા માટે આતંકવાદીએ કોડવર્ડ્સ તૈયાર કર્યા હતા. જે હેઠળ નરેન્દ્ર મોદીની ઓળખ માટે કોડવર્ડ હતો "મછલી 5".

આપને જણાવી દઇએ કે આ બોમ્બ વિસ્ફોટો બાદ પોલીસે ઝડપી લીધેલા આતંકવાદી ઇમ્તિયાઝ અને તેના સાથીએ યોજના બનાવી હતી કે પહેલા નરેન્દ્ર મોદીની રેલી માટે બનાવવામાં આવેલા સ્ટેજની પાસે રિમોટ કન્ટ્રોલથી ત્રણ બોમ્બ વિસ્ફોટ કરવામાં આવે. ત્યાર બાદ બંનેએ સ્ટેજની પાસે દોડી જઇને પોતાના શરીર પર બાંધેલા બોમ્બથી વિસ્ફોટ કરવાના હતા.

આ દરમિયાન પટણા રેલવે સ્ટેશન પાસે બેટરી અને ટાઇમરથી તૈયાર કરવામાં આવેલો એક નાનકડો બોમ્બ ભૂલથી ફાટી ગયો હતો. આ ધડાકામાં ઇમ્તિયાઝ અને તેનો સાથીદાર ઘવાયા હતા. હોસ્પિટલમાં સારવાર દરમિયાન તેના સાથીનું મોત નિપજ્યું હતું, જ્યારે ઇમ્તિયાઝ બોમ્બ વિસ્ફોટ કરવા માટે રેલી સ્થળે પહોંચ્યો અને એક બોમ્બ વિસ્ફોટ કરીને તે ભાગી રહ્યો હતો ત્યારે પોલીસે તેને ઝડપી લીધો હતો.

નોંધનીય છે કે આતંકવાદની દુનિયામાં નરેન્દ્ર મોદી માટે કોડવર્ડ "મછલી 5" આજથી નહીં વર્ષોથી ચાલે છે. આ બાબતનો ખુલાસો ઇશરત જહાં એન્કાઉન્ટર કેસમાં માર્યા ગયેલા બે આતંકવાદીઓની રેકોર્ડ કરવામાં આવેલી વાતચીતમાં થયો હતો. આ વાતચીતમાં તેમણે ચાર ટાર્ગેટ કોડવર્ડનો ઉલ્લેખ કર્યો હતો.

આગળ ક્લિક કરી જાણો આતંકવાદીઓએ કોના માટે કયા કોડવર્ડ રાખ્યા હતા...