Delhi CM Salary: CM રેખા ગુપ્તાને કેટલો પગાર અને કઈ સુવિધાઓ મળશે? અરવિંદ કેજરીવાલને કેટલુ મળશે પેંશન?

નવી સરકારે દિલ્હીમાં પોતાનું કામ શરૂ કરી દીધું છે. દિલ્હીમાં 27 વર્ષ પછી સત્તામાં વાપસી કરનાર ભાજપે આ વખતે મુખ્યમંત્રીની કમાન એક મહિલા ધારાસભ્યને સોંપી છે.

શાલીમાર બાગ વિધાનસભામાંથી પહેલી વાર ધારાસભ્ય તરીકે ચૂંટાયેલા રેખા ગુપ્તા દિલ્હીના ચોથા મહિલા મુખ્યમંત્રી બન્યા છે. મુખ્યમંત્રી બન્યા પછી રેખા ગુપ્તાને પણ અનેક પ્રકારની સુવિધાઓ મળશે.

આ અહેવાલમાં જણાવીએ કે દિલ્હીના મુખ્યમંત્રીને કઈ સુવિધાઓ પૂરી પાડવામાં આવશે. માર્ચ 2023 માં થયેલા સુધારા બાદ, દિલ્હીના મુખ્યમંત્રીને દર મહિને 1.70 લાખ રૂપિયાનો પગાર મળશે.

• મૂળ પગાર- 60 હજાર
• વિધાનસભા ભથ્થું- 30 હજાર
• સચિવાલય સહાય - 25 હજાર
• મુસાફરી ભથ્થું - 10 હજાર
• ટેલિફોન ભથ્થું- 10 હજાર
• દૈનિક ભથ્થું - 1500 રૂપિયા પ્રતિ દિવસ

પગાર ઉપરાંત, મુખ્યમંત્રીને આ સુવિધાઓ મળશે. મુખ્યમંત્રીને દિલ્હીમાં એક મોટો બંગલો મળશે. બંગલા સાથે, ઘણા સ્ટાફ પણ મદદ માટે ઉપલબ્ધ રહેશે. ઉદાહરણ તરીકે, રસોઇયા, માળી, સરકારી વાહન, હેલિકોપ્ટર માટે દર મહિને 700 લિટર પેટ્રોલ મફત આપવામાં આવશે.

જો મુખ્યમંત્રી પોતાની ખાનગી કારનો ઉપયોગ કરે છે, તો તેમને દર મહિને 10,000 રૂપિયા મળશે. મુખ્યમંત્રી તેમના કાર્યકાળ દરમિયાન ૧૨ લાખ રૂપિયા સુધીની લોન લઈ શકે છે.

દિલ્હીના ભૂતપૂર્વ મુખ્યમંત્રીને પેન્શન ઉપરાંત ઘણી સુવિધાઓ પણ મળે છે. દિલ્હીના ભૂતપૂર્વ મુખ્યમંત્રી અને AAP કન્વીનર અરવિંદ કેજરીવાલને ભૂતપૂર્વ ધારાસભ્ય તરીકે દર મહિને 15000 રૂપિયા પેન્શન મળશે.

ભૂતપૂર્વ મુખ્યમંત્રી તરીકે કેજરીવાલને સરકારી રહેઠાણ, સરકારી કાર અને ડ્રાઇવર મળશે. આ ઉપરાંત, તેમને ટેલિફોન, ઇન્ટરનેટ, મુસાફરી ભથ્થું અને મફત તબીબી સુવિધાઓ પણ મળશે. તેમના સમગ્ર પરિવારને મફત તબીબી સુવિધાનો લાભ મળશે.