Himachal Pradesh: પ્રતિભા સિંહને CM બનાવવાની ઉઠી માંગ, ભુપેશ બઘેલની ગાડી રોકીને કરાઇ નારેબાજી

હિમાચલ પ્રદેશ વિધાનસભા ચૂંટણીમાં કોંગ્રેસને મોટી જીત મળી છે. પરંતુ હજુ સુધી મુખ્યમંત્રીનું નામ નક્કી થયું નથી. આ અંગે આજે શિમલામાં પાર્ટી દ્વારા ચૂંટાયેલા ધારાસભ્યોની બેઠક બોલાવવામાં આવી છે. આ બેઠકમાં નિરીક્ષક અને છત્તીસગઢના મુખ્યમંત્રી બઘેલ સહિત ઘણા વરિષ્ઠ નેતાઓ પણ ભાગ લેશે. બઘેલ પણ બેઠક માટે શિમલા પહોંચી ગયા છે.

પ્રતિભા સિંહને મુખ્યમંત્રી બનાવાની ઉઠી માંગ

મીડિયા રિપોર્ટ્સનું માનીએ તો હિમાચલના પૂર્વ મુખ્યમંત્રી સ્વર્ગીય વીરભદ્ર સિંહની પત્ની અને કોંગ્રેસ પ્રદેશ અધ્યક્ષ પ્રતિભા સિંહનું નામ મુખ્યમંત્રી પદ માટે સૌથી આગળ છે. જો કે એવો પણ દાવો કરવામાં આવી રહ્યો છે કે હાઈકમાન્ડ તેમને મુખ્યમંત્રી બનાવવાના મૂડમાં નથી. પરંતુ પ્રતિભા સિંહના સમર્થકો તેમને મુખ્યમંત્રી બનાવવા પર અડગ છે. જેના કારણે શુક્રવારે તેમના સમર્થકો શિમલામાં ઓબેરોય સેસિલ હોટલની બહાર એકઠા થયા હતા અને છત્તીસગઢના મુખ્યમંત્રી ભૂપેશ બઘેલના કાફલાને રોકતા તેમણે સમર્થનમાં સૂત્રોચ્ચાર કર્યા હતા અને પ્રતિભા સિંહને મુખ્યમંત્રી બનાવવાની માંગ કરી હતી.

#WATCH | Himachal Pradesh: State Congress chief Pratibha Singh's supporters gathered outside Oberoi Cecil hotel in Shimla showcasing their support to her while stopping Chhattisgarh CM Bhupesh Baghel's carcade. pic.twitter.com/jzGV2MmUud

— ANI (@ANI) December 9, 2022

કોંગ્રેસે 40 સીટો પર મેળવી જીત

હિમાચલ પ્રદેશ વિધાનસભા ચૂંટણી 2022માં કોંગ્રેસે કુલ 40 બેઠકો જીતી છે. ચૂંટણીમાં જીત નોંધાવ્યા બાદ પ્રદેશ અધ્યક્ષ પ્રતિભા સિંહે રાજ્યના તમામ લોકોનો આભાર વ્યક્ત કર્યો હતો. બીજી તરફ ગુરુવારે મુખ્યમંત્રીના પ્રશ્ન પર તેમણે કહ્યું કે તેનો નિર્ણય ધારાસભ્ય દળની બેઠકમાં લેવામાં આવશે. જો કે, તેમણે કહ્યું કે આ ચૂંટણી કોંગ્રેસ વતી સ્વર્ગસ્થ વીરભદ્રના નામ પર લડવામાં આવી હતી. આવી સ્થિતિમાં હાઈકમાન્ડ દ્વારા તેમના પરિવારની અવગણના કરી શકાય નહીં. તમને જણાવી દઈએ કે હિમાચલ પ્રદેશમાં 5 વર્ષ પછી સરકાર બદલવાનો ટ્રેન્ડ આ વખતે પણ બરકરાર છે.

છેલ્લી ચૂંટણીમાં ભાજપની જીત

છેલ્લી ચૂંટણીમાં બમ્પર જીત નોંધાવીને ભાજપે અહીં સરકાર બનાવી હતી. પરંતુ આ ચૂંટણીમાં ભાજપને માત્ર 25 બેઠકો મળી છે. જ્યારે 3 બેઠકો પર અપક્ષ ઉમેદવારોએ જીત મેળવી છે. જણાવી દઈએ કે હિમાચલમાં કુલ 68 વિધાનસભા સીટો છે. આવી સ્થિતિમાં અહીં બહુમતી મેળવવા માટે કોઈપણ પક્ષને 35 બેઠકો જીતવી પડશે.

English summary

Himachal Pradesh: People Demands to make Pratibha Singh CM