'હેટ ઈન ઈન્ડિયા' અને 'મેક ઈન ઈન્ડિયા' એક સાથે ન ચાલી શકે : રાહુલ ગાંધી

સાંસદ અને કોંગ્રેસના પૂર્વ અધ્યક્ષ રાહુલ ગાંધીએ બુધવારના રોજ ભારતમાંથી કેટલીક વૈશ્વિક ઓટોમોટિવ બ્રાન્ડની બહાર નીકળવાના મુદ્દે વડાપ્રધાન નરેન્દ્ર મોદી પર પ્રહારો કર્યા હતા.

Updated: Wednesday, April 27, 2022, 15:54 [IST]

નવી દિલ્હી, 27 એપ્રીલ : સાંસદ અને કોંગ્રેસના પૂર્વ અધ્યક્ષ રાહુલ ગાંધીએ બુધવારના રોજ ભારતમાંથી કેટલીક વૈશ્વિક ઓટોમોટિવ બ્રાન્ડની બહાર નીકળવાના મુદ્દે વડાપ્રધાન નરેન્દ્ર મોદી પર પ્રહારો કર્યા હતા. રાહુલ ગાંધીએ જણાવ્યું હતું કે, 'હેટ ઈન ઈન્ડિયા અને મેક ઈન ઈન્ડિયા એક સાથે રહી શકે નહીં.

તેમણે દેશમાં બેરોજગારીની સ્થિતિનો પણ ઉલ્લેખ કર્યો અને વડાપ્રધાન મોદીને આ સંકટનો સામનો કરવા પર ધ્યાન કેન્દ્રિત કરવા વિનંતી કરી હતી. રાહુલ ગાંધી રોજગાર અને મોંઘવારી મુદ્દે વડાપ્રધાન મોદી પર સતત પ્રહારો કરી રહ્યા છે.

The ease of driving business out of India.

❌ 7 Global Brands
❌ 9 Factories
❌ 649 Dealerships
❌ 84,000 Jobs

Modi ji, Hate-in-India and Make-in-India can’t coexist!

Time to focus on India's devastating unemployment crisis instead. pic.twitter.com/uXSOll4ndD
— Rahul Gandhi (@RahulGandhi) April 27, 2022

'હેટ ઈન ઈન્ડિયા' અને 'મેક ઈન ઈન્ડિયા' એકસાથે ન ચાલી શકે

રાહુલ ગાંધીએ ટ્વીટ કરીને જણાવ્યું હતું કે, ભારતમાંથી બિઝનેસ લઈ જવામાં સરળતા માટે સાત વૈશ્વિક બ્રાન્ડ, નવ ફેક્ટરીઓ અને 649 ડીલરશીપ ખસેડવામાં આવીછે. 84,000 નોકરીઓ છીનવાઈ ગઈ છે. મોદીજી, 'હેટ ઈન ઈન્ડિયા' અને 'મેક ઈન ઈન્ડિયા' એકસાથે ન ચાલી શકે. ભારતના ભયજનક બેરોજગારી સંકટ પર ધ્યાનઆપવાનો આ સમય છે. આટલું જ નહીં, રાહુલ ગાંધીએ ટ્વિટર પર સાત વૈશ્વિક બ્રાન્ડ દર્શાવતી એક તસવીર શેર કરી છે.

રાહુલે શેર કરેલી તસવીર અનુસાર, 2017માં શેવરોલે, 2018માં MAN ટ્રક્સ, 2019માં ફિયાટ અને યુનાઈટેડ મોટર્સ, 2020માં હાર્લી ડેવિડસન, 2021માં ફોર્ડ અને2022માં ડેટસન જેવી કંપનીઓ દેશની બહાર નીકળી ગઈ છે. રાહુલ ગાંધી દેશમાં બેરોજગારીને લઈને વડાપ્રધાન મોદી પર સતત નિશાન સાધી રહ્યા છે.

न्यू इंडिया का न्यू नाराः
हर-घर बेरोज़गारी
घर-घर बेरोज़गारी

75 सालों में मोदी जी देश के पहले ऐसे प्रधानमंत्री हैं जिनके ‘Masterstrokes’ से 45 करोड़ से ज़्यादा लोग नौकरी पाने की उम्मीद ही छोड़ चुके हैं। pic.twitter.com/rph7Ogt9nU
— Rahul Gandhi (@RahulGandhi) April 26, 2022

વડાપ્રધાન મોદી 75 વર્ષમાં આવું કરનારા "પ્રથમ આવા વડાપ્રધાન" બન્યા

આ પહેલા મંગળવારના રોજ રાહુલ ગાંધીએ બેરોજગારીના મુદ્દે વડાપ્રધાન નરેન્દ્ર મોદી પર પણ નિશાન સાધતા આરોપ લગાવ્યો હતો કે, તેમના "માસ્ટરસ્ટ્રોક"નાકારણે 45 કરોડથી વધુ લોકોએ નોકરી મેળવવાની આશા ગુમાવી દીધી છે. વડાપ્રધાન મોદી 75 વર્ષમાં આવું કરનારા "પ્રથમ આવા વડાપ્રધાન" બન્યા છે.

🔺Inflation Rate: 6.95%
🔻FD Interest Rate: 5%

Forget depositing ₹15-lakh to your bank accounts, PM Modi’s ‘masterstrokes’ have demolished your hard earned savings.#JanDhanLootYojana pic.twitter.com/IfhALlEhpz
— Rahul Gandhi (@RahulGandhi) April 23, 2022

ન્યૂ ઈન્ડિયાનું નવું સૂત્ર, હર ઘર બેરોજગારી, ઘર ઘર બેરોજગારી

રાહુલ ગાંધીએ ટ્વિટ કરીને લખ્યું કે, ન્યૂ ઈન્ડિયાનું નવું સૂત્ર, હર ઘર બેરોજગારી, ઘર ઘર બેરોજગારી. મોદીજી 75 વર્ષમાં દેશના પહેલા વડાપ્રધાન છે, જેમના'માસ્ટરસ્ટ્રોક'ના કારણે 450 મિલિયનથી વધુ લોકો નોકરી મેળવવાની આશા ખોઇ ચૂક્યા છે.

મોંઘવારી દર અને ફિક્સ્ડ ડિપોઝિટ રેટની તુલના કરતા રાહુલ ગાંધીએ કહ્યું કે, વડાપ્રધાન મોદીના માસ્ટરસ્ટ્રોકથી તમારી મહેનતની કમાણીનો નાશ થયો છે.

કોંગ્રેસના નેતા રાહુલ ગાંધીએ ટ્વીટ કર્યું કે, તમારા બેંક ખાતામાં 15 લાખ રૂપિયા જમા કરશે એ વાતને તો ભૂલી જાવ, પણ વડાપ્રધાન મોદીના 'માસ્ટરસ્ટ્રોક' એ તમારી મહેનતની કમાણીનો નાશ કર્યો છે. રાહુલ ગાંધીએ ટ્વિટ કરીને મોંઘવારી દર એટલે કે મોંઘવારી દર અને એફડીની સરખામણી કરી હતી.