Haryana New CM : સીએમ સાથે 7 મંત્રીઓ લઈ શકે છે શપથ, જાણો લિસ્ટમાં કોના નામ?

Haryana New CM : હરિયાણા વિધાનસભા ચૂંટણીમાં બીજેપીને બહુમત મળ્યા બાદ હવે નવી સરકાર બનાવવા કવાયત હાથ ધરાઈ છે.

સમાચારો અનુસાર, હરિયાણાના નવા મુખ્યમંત્રી સાથે 7 મંત્રીઓ શપથ લઈ શકે છે. આ ચહેરાઓને લઈને પાર્ટીમાં મંથન ચાલી રહ્યું છે.

સૂત્રો અનુસાર, હરિયાણા ભાજપની ઈચ્છા છે કે નવી સરકારનો શપથ ગ્રહણ સમારોહ 12 ઓક્ટોબરે પંચકુલામાં યોજાય. હજુ અંતિમ તારીખ અને સ્થળ નક્કી કરવામાં આવ્યું નથી. દશેરા આવતા હોવાથી તારીખોમાં ફેરફાર થઈ શકે છે.

સૂત્રોનું માનીએ તો હરિયાણાના નવા મુખ્યમંત્રીની સાથે 4 કેબિનેટ અને 3 રાજ્ય મંત્રી શપથ લઈ શકે છે. મંત્રીઓની રેસમાં મૂળચંદ શર્મા, મહિપાલ ધાંડા, અનિલ વિજ, કૃષ્ણ કુમારને કેબિનેટ મંત્રી બનાવવામાં આવી શકે છે.

આ સિવાય રાવ નરબીર સિંહ, આરતી રાવ, ડૉ. અરવિંદ શર્મા, શ્રુતિ ચૌધરી, હરવિન્દ્ર કલ્યાણ, જગમોહન આનંદના નામ ચર્ચામાં છે.

જણાવી દઈએ કે, હરિયાણા વિધાનસભા ચૂંટણીમાં ભાજપે કુલ 90 બેઠકોમાંથી 48 બેઠકો જીતી છે. જો કે મુખ્યમંત્રી અને મંત્રીઓના શપથ ગ્રહણ પહેલા ત્રણ અપક્ષ ધારાસભ્યોએ સમર્થન આપતા કુલ ધારાસભ્યોની સંખ્યા વધીને 51 થઈ ગઈ છે.

English summary

Haryana New CM : 7 ministers can take oath with the CM, know whose names are in the list?