Haryana Elections 2024 : માત્ર 3 દિવસમાં હરિયાણાની ચૂંટણી પલ્ટી શકે છે રાહુલ ગાંધી, જાણો કેવી રીતે??

Haryana Assembly Election 2024 : હરિયાણા ચૂંટણીને ગણતરીના દિવસો બાકી છે. બીજેપી અને કોંગ્રેસે અહીં પુરી તાકાત લગાવી છે ત્યારે રાહુલ ગાંધી કોંગ્રેસ માટે કિંગમેકર બનીને ઉભરી રહ્યા છે.

હરિયાણા વિધાનસભા ચૂંટણી પહેલા પ્રમોશનના અંતિમ સપ્તાહમાં કોંગ્રેસ સંપૂર્ણ શક્તિ લગાવવા જઈ રહી છે. સૂત્રો અનુસાર, રાહુલ ગાંધી હરિયાણામાં ન્યાય યાત્રાનું આયોજન કરવા જઈ રહ્યાં છે.

આ યાત્રા ત્રણ દિવસ ચાલશે અને આ દરમ્યાન રાહુલ ગાંધી પાર્ટીની ગેરંટી અને વાયદાઓનો પ્રચાર કરશે. આ યાત્રા 29 અથવા 30 સપ્ટેમ્બરથી શરૂ થવાની શક્યતા છે. ન્યાય યાત્રામાં કોંગ્રેસની નેત્રીએ પ્રિયંકા ગાંધી વાડ્રા પણ સામેલ થશે.

ચુંટણી પ્રમોશનની દ્રષ્ટિએ રાહુલ ગાંધી હૂડા-સૈલજા વચ્ચે એકતાનો સંદેશ આપવા પ્રયાસ કરી રહ્યાં છે. આ સિવાય ચંદીગઢમાં રાહુલ ગાંધી પાર્ટીનો મેનિફેસ્ટો જાહેર કરશે.

રાહુલ ગાંધી જનસભાઓમાં દલિત મતદાતાઓને જોડવા માટે સાંસદ કુમારી સૈલજાને વધુ મહત્વ આપતા જોવા મળી રહ્યાં છે. આ ઉપરાંત કોંગ્રેસમાં એકતાનો સંદેશ આપવા રાહુલ ગાંધી કુમારી સૈલજા, ભૂપેન્દ્ર સિંહ હૂડા અને સુરજેવાલાને એક મંચ પર લાવી રહ્યાં છે.

રાહુલ ગાંધીની પ્રથમ રેલીમાં કુમારી સૈલજા પણ રાહુલ ગાંધી સાથે હાજર જોવા મળી હતી. અહીં ભુપેન્દ્ર સિંહ હુડ્ડાની હાજરીથી રાહુલ ગાંધીએ કોંગ્રેસમાં આંતરિક વિખવાદને ઉકેલી દીધો છે.

જણાવી દઈએ કે, એક તરફ બીજેપી સામે હરિયાણાના ખેડૂતોનો ભારે વિરોધ અને વિનેશ ફોગાટ જેવા મુદ્દે સરકારનો ભારે વિરોધ થઈ રહ્યો છે. હાલની સ્થિતીએ અહીં કોંગ્રેસ આગળ છે અને પરિણામો પણ તેના ફેવરમાં આવી શકે છે.

English summary

Haryana Elections 2024: Rahul Gandhi Emerges as Potential Kingmaker