'હાઇપ્રોફાઇલ પિતા 3 વર્ષથી પુત્રી પર ગુજારતો હતો બળાત્કાર'

ગુડગાંવ, 5 એપ્રિલ: રાજધાની દિલ્હીને અડીને આવેલા ગુડગાંવમાં એક કિશોરી વિદ્યાર્થીએ પોતાના પિતા દ્રારા બળાત્કાર ગુજારવામાં આવતો હોવાનો સનસનીખેજ આરોપ લગાવ્યો છે. તેના પિતા તેને ફરવા લઇ જવાના બહાને ઘરથી બહાર લઇ જતા હતા અને તેની સાથે બળાત્કાર ગુજારતા હતા. ચોંકવનારી બાબત એ છે કે આ કૃત્ય છેલ્લા ત્રણ વર્ષથી આચરવામાં આવતું હતું. પોલીસે આરોપી પિતાની ધરપકડ કરી લીધી છે અને આ કેસની તપાસ કરવામાં આવી રહી છે. મેડિકલ તપાસમાં બળાત્કારની પુષ્ટિ થઇ ગઇ છે.

પ્રાપ્ત માહિતી અનુસાર ગુડગાંવના સુશાંત લોક વિસ્તારમાં 16 વર્ષની એક વિદ્યાર્થીનીએ પોતાના પિતા પર બળાત્કારનો આરોપ લગાવતાં કહ્યું હતું કે પોલીસમાં ફરિયાદ નોંઘાવી છે. છોકરીનું માનીએ તો તેના પિતા તેને ફરવા લઇ જવાના બહાને બહાર લઇ જતા હતા અને તેની સાથે બળાત્કાર ગુજારતા હતા. પીડિતાએ જણાવ્યું હતું કે બળાત્કાર બાદ તે તેને ધમકી આપતાં હતા કે જો તેને કોઇની સમક્ષ મોઢું ખોલ્યું તો તે તેને જાનથી મારી નાખશે. પોલીસે ફરિયાદ દાખલ કર્યા બાદ વિદ્યાર્થીને મેડિકલ તપાસ માટે મોકલવામાં આવી હતી.

મેડિકલ તપાસમાં બળાત્કારની પુષ્ટિ થયા બાદ પોલીસે આરોપી પિતાની તાત્કાલિક ધરપકડ કરી લીધી છે. આ ઘટનાનો ખુલાસો ત્યારે થયો જ્યારે પીડિતાએ પોતાની આપવીતી સ્કૂલ ટીચરને કહી હતી.પોલીસે જણાવ્યું હતું કે આરોપી એક્સપોર્ટ કંપનીનો માલિક છે. પોલીસ આ કેસની તપાસ કરી રહી છે.

પળેપળના સમાચારથી અપડેટ રહેવા માટે આજે જ ગુજરાતી વનઇન્ડિયા ન્યૂઝલેટર સબસ્ક્રાઇબ કરો...

English summary

In a shocking incident, a 45-year-old man has been accused of raping his own daughter over the past three years.