Electoral Bond : ઈલેક્શન કમિશને ઈલેકટરોલ બોન્ડના ડેટા અપલોડ કર્યા, જાણો કઈ પાર્ટીને કેટલા રૂપિયા મળ્યા?

સુપ્રીમ કોર્ટની ઝાટકણી બાદ એસબીઆઈએ ઈલેકટરોલ બોન્ડના ડેટા ઈલેક્શન કમિશનને આપ્યા હતા. હવે આ ડેટા ઈલેક્શન કમિશનની વેબસાઈટ પર અપલોડ કરી દેવાયા છે.

સુપ્રીમ કોર્ટે ECIને ઈલેક્ટોર બોન્ડ સંબંધિત ડેટા સાર્વજનિક કરવા માટે 15 ઓક્ટોબર સુધીનો સમય આપ્યો છે. આ સમયગાળો પૂરો થવાના એક દિવસ પહેલા ચૂંટણી પંચે કોર્ટના આદેશનું પાલન કર્યુ છે.

એક દિવસ પહેલા સ્ટેટ બેંક ઓફ ઈન્ડિયાએ સુપ્રીમ કોર્ટને જણાવ્યું હતું કે 1 એપ્રિલ, 2019 અને આ વર્ષે 15 ફેબ્રુઆરીની વચ્ચે રાજકીય પક્ષોએ કુલ 22,217 ચૂંટણી બોન્ડ ખરીદ્યા અને 22,030 બોન્ડ રિડીમ કર્યા.

બેંકે પોતાના સોગંદનામામાં યોજના અંગે સંપૂર્ણ માહિતી આપી. આ સાથે બેંકિંગ સંસ્થાએ બે સીલબંધ પરબિડીયાઓમાં કોર્ટના નિર્દેશો પર ચૂંટણી પંચને ઈલેક્ટોરલ બોન્ડ સંબંધિત માહિતી પણ આપી.

ઈલેક્ટોરલ બોન્ડ સ્કીમને રદ્દ કર્યા બાદ સુપ્રીમ કોર્ટે સ્ટેટ બેંક સ્કીમ સાથે જોડાયેલી માહિતી કોર્ટ અને ચૂંટણી પંચ સાથે શેર કરવાનો આદેશ આપ્યો હતો. આ સાથે કોર્ટે ECIને 15 માર્ચ સુધીમાં ઈલેક્ટોરલ બોન્ડ સ્કીમની માહિતી સાર્વજનિક કરવાનો આદેશ આપ્યો હતો.

ઈલેક્ટોરલ બોન્ડ સ્કીમ અંગે ECI વેબસાઈટ પર શેર કરાયેલા ડેટા અનુસાર, રાજકીય પક્ષોને દાન આપનારાઓમાં ફિનોલેક્સ કેબલ્સ લિમિટેડ, લક્ષ્મી નિવાસ મિત્તલ, એડલવાઈસ હાઉસિંગ ફાઈનાન્સ લિમિટેડ, GHCL લિમિટેડ, જિંદાલ પોલી ફિલ્મ્સ લિમિટેડ, ITC લિમિટેડ, વેદાંત લિમિટેડનો સમાવેશ થાય છે.

English summary

Electoral Bond: Election Commission has uploaded data of Electoral Bond