છાત્રોને દિલ્લી સરકારની ભેટ, શરુ થશે 2 હજારથી વધુ ડિજિટલ ક્લાસરુમ

દિલ્હી સરકાર રૂ. 65 કરોડથી વધુના ખર્ચે 2,000થી વધુ ડિજિટલ ક્લાસરૂમ વિકસાવશે. અધિકારીઓએ આ માહિતી આપી હતી. અધિકારીઓએ જણાવ્યું હતું કે ધોરણ 6થી ધોરણ 12 સુધીના વિદ્યાર્થીઓ માટેના વર્ગખંડોમાં Wi-Fi રાઉટર્સ, 75-ઇંચ અથવા મોટા ઇન્ટરેક્ટિવ ડિસ્પ્લે પેનલ્સ અને વ્યક્તિગત કમ્પ્યુટર્સ હશે.

આ કાર્ય શિક્ષણ નિર્દેશાલય (DOE) હેઠળની શાળાઓના હાલના વર્ગોમાં કરવામાં આવશે. અધિકારીઓએ જણાવ્યું કે પબ્લિક વર્કસ ડિપાર્ટમેન્ટ (PWD) એ આ સંબંધમાં ટેન્ડર બહાર પાડ્યું છે. ટેન્ડરમાં સહભાગીઓની બિડ 17 મેના રોજ ખોલવામાં આવશે.

65.43 કરોડના ખર્ચે ડિજિટલ વર્ગોના વિકાસનું આ કામ કરવામાં આવશે. અધિકારીના જણાવ્યા અનુસાર, શરૂઆતમાં સ્માર્ટ ક્લાસ 6 થી ધોરણ 12 સુધીના વિદ્યાર્થીઓ માટે હશે અને બાદમાં અન્ય વર્ગો માટે પણ આ સુવિધા ઉપલબ્ધ કરાવવામાં આવશે.

અધિકૃત દસ્તાવેજો અનુસાર, નેશનલ કાઉન્સિલ ઓફ એજ્યુકેશનલ રિસર્ચ એન્ડ ટ્રેનિંગ (NCERT) ના પાંચ વર્ષના અભ્યાસક્રમ મુજબ, ઇન્ટરેક્ટિવ ડિસ્પ્લે સંપૂર્ણ રીતે 'HD એનિમેટેડ ડિજિટલ કન્ટેન્ટ' સાથે I થી XII ના વર્ગો માટે સેટ કરવામાં આવશે.

English summary

Delhi government will start 2 thousand digital classrooms for students.