Delhi Excise Policy Case: સીએમ કેજરીવાલને આજે પણ ન મળી રાહત, હવે આ તારીખ સુધી રહેશે ન્યાયિક કસ્ટડીમાં
Delhi Excise Policy CBI Case: દિલ્હીની રાઉઝ એવન્યુ કોર્ટે દિલ્હીના મુખ્યમંત્રી અરવિંદ કેજરીવાલની ન્યાયિક કસ્ટડી 8 ઓગસ્ટ સુધી લંબાવી છે. તમને જણાવી દઈએ કે સીએમ કેજરીવાલને તિહાર જેલમાંથી વીડિયો કૉન્ફરન્સિંગ દ્વારા હાજર કરવામાં આવ્યા હતા.
નોંધનીય છે કે દિલ્હી એક્સાઇઝ પૉલિસીમાં કથિત ગેરરીતિઓ અને ભ્રષ્ટાચારના કેસમાં સીબીઆઈ તપાસ ચાલી રહી છે, આ કેસમાં દિલ્હીના સીએમ કેજરીવાલ અને અન્ય અધિકારીઓ પર નાણાકીય વ્યવહારોમાં છેડછાડ અને અયોગ્ય લાભ લેવા જેવા ગંભીર આરોપોનો સામનો કરવો પડી રહ્યો છે.
સીએમ પર દિલ્હીની એક્સાઇઝ પૉલિસીમાં ફેરફાર હેઠળ કેટલાક ખાસ કૉન્ટ્રાક્ટરો અને કંપનીઓ પાસેથી અયોગ્ય લાભ લેવાનો આરોપ છે. સીબીઆઈએ આ કેસમાં ઘણા વરિષ્ઠ અધિકારીઓ અને રાજકીય વ્યક્તિઓની પૂછપરછ કરી છે, જો કે, સીએમ કેજરીવાલ અને તેમની પાર્ટી સતત આ આરોપોને નકારી રહી છે અને કહે છે કે કેજરીવાલને જાણી જોઈને ફસાવવામાં આવ્યા છે.
સીએમ સામેના તમામ આરોપો રાજકીય રીતે પ્રેરિત છે, પાર્ટીના પ્રવક્તાઓનું કહેવું છે કે ભાજપ દ્વારા સીએમ કેજરીવાલની છબી ખરાબ કરવાની આ એક ષડયંત્ર છે. જ્યારે ભાજપે આ મામલે AAP સરકાર પર પ્રહારો કર્યા છે. તેમનું કહેવું છે કે આ તપાસ ભ્રષ્ટાચાર સામેની લડાઈને મજબૂત બનાવશે અને ગુનેગારોને સજા થશે.
હાલ આ મામલામાં આગામી સુનાવણી 8 ઓગસ્ટે થશે. તમને જણાવી દઈએ કે જેલમાં રહ્યા બાદ પણ અરવિંદ કેજરીવાલે સીએમ પદ પરથી રાજીનામું આપ્યું નથી. હાલ સમગ્ર દેશની નજર આ બાબત પર છે. રાજકીય વિશ્લેષકો કહે છે કે આનાથી દિલ્હીની રાજકીય સ્થિતિ પર અસર થશે, હવે જોવાનુ એ રહેશે કે 8 ઓગસ્ટે કોર્ટ શું કહે છે.
Click it and Unblock the Notifications
Sign in with Google
