મંગળગ્રહ પર ક્યૂરિયોસિટી રોવરને મળી રહસ્યમય વસ્તુ

Published: Sunday, February 10, 2013, 13:20 [IST]

લંડન, 10 ફેબ્રુઆરી: મંગળગ્રહ પર મોકલવામાં આવેલા અવકાશ યાન ક્યૂરિયોસિટી રોવરે એક રહસ્યમય ધાતુની શોધ કરી છે. આ ધાતુ મંગળગ્રહ પર આવેલા એક ખડક પરથી મળી આવી છે.

સમાચાર પત્ર ડેઇલી મેલના અનુસાર ક્યુરિયોસિટીએ પોતાના કેમેરાથી ધાતુની તસવીરો લીધી છે. આ ધાતુની સંરચના આંગળી જેવી છે, જે મંગળની સપાટીથી બહાર નીકળેલી છે અને વસ્તુની નીચે એક ખડક પર તેનો પરછાયો પડી રહ્યો છે.

વૈજ્ઞાનિકોનું માનવું છે કે ખડકોની વચ્ચે આ નાની, ચમકદાર વસ્તુ પોતાના પરિવેશની વસ્તુઓના ક્ષય હોવાથી બની હશે. એક રિપોર્ટ અનુસાર આ વસ્તુ 0.5 સેન્ટીમીટર અથવા તેનાથી ઓછાની હોઇ શકે છે.

ક્યુરિયોસિટીએ આ રહસ્યમય વસ્તુની તસવીર ગઇ 30 જાન્યુઆરીમાં લેવામાં આવી અને ત્યારબાદ તેને પાછી નાસાને મોકલવામાં આવી હતી.

Published On February 10, 2013