CSIR-UGC-NET June 2024 : NEET અને NET બાદ હવે CSIR-UGC-NET પરીક્ષા રદ કરાઈ

CSIR-UGC-NET June 2024 : કેન્દ્રની નરેન્દ્ર મોદી સરકારે પરિક્ષાઓને શિક્ષણ માફિયાઓના હવાલે કરી દીધી હોય તેવુ લાગી રહ્યું છે. નીટ અને નેટ બાદ વધુ એક પરિક્ષા રદ કરાઈ છે.

NTA એ સંયુક્ત CSIR-UGC-NET પરીક્ષા સ્થગિત કરી દીધી છે. આ પરીક્ષા 25 થી 27 જૂન વચ્ચે યોજાવાની હતી. NTAએ આ અંગે પોતાની સ્થિતિ સ્પષ્ટ કરી છે.

પરીક્ષા રદ થવાનું કારણ જણાવતાં NTA એ એક નિવેદનમાં જણાવ્યું કે, અનિવાર્ય સંજોગો તેમજ લોજિસ્ટિકલ સમસ્યાઓને કારણે પરીક્ષા મોકૂફ રાખવામાં આવી રહી છે. આ પરીક્ષાના આયોજન માટેનું સુધારેલું સમયપત્રક પછીથી સત્તાવાર વેબસાઇટ પર જાહેર કરવામાં આવશે.

NTA એ CSIR UGC NET પરીક્ષા 2024 એવા સમયે મુલતવી રાખી છે જ્યારે NEET પેપર લીક અને UGC NET પરીક્ષા રદ કરવાને લઈને હોબાળો ચાલી રહ્યો છે.

દેશના અનેક રાજ્યોમાં આ મુદ્દાને લઈને વિરોધ પ્રદર્શન થઈ રહ્યા છે. આ સ્થિતિમાં NTAએ આ પરીક્ષા રદ કરવા પાછળ કેટલાક મહત્વપૂર્ણ કારણો આપ્યા છે.

NTA એ તેની સૂચનામાં જણાવ્યું કે, આ પરીક્ષા આયોજિત કરવા માટેનું સુધારેલું સમયપત્રક સત્તાવાર વેબસાઇટ દ્વારા પછીથી જાહેર કરવામાં આવશે. NTAએ વિદ્યાર્થીઓને કોઈપણ નવા અપડેટ્સ માટે સત્તાવાર વેબસાઇટ https://csimet.nta.ac.in ની મુલાકાત લેતા રહેવાની સલાહ આપી છે.

NTA અપડેટ્સ csirnet@nta.ac.in પર પણ જોઈ શકાય છે. આ સિવાય કોઈપણ ક્વેરી માટે ઉમેદવારો NTA હેલ્પ ડેસ્કને 011- 40759000 અથવા 011-69227700 પર કૉલ કરી શકે છે.

English summary

CSIR-UGC-NET June 2024 : After NEET and NET, now CSIR-UGC-NET exam has been canceled