વિભાગો અને ન્યાયતંત્ર વચ્ચે સંકલનથી પેન્ડિંગ કેસોનો ઝડપી નિકાલ આવશે-કાયદામંત્રી

ઋષિકેશ પટેલે કહ્યું કે, સિવિલ અને ક્રિમીનલ લીટીગેશન સહિત 70 હજાર જેટલી મેટર કાયદાભવનના 78 વકીલો અને અધિકારીઓની ટીમ હેન્ડલ કરી રહી છે , જે પ્રસંશનીય છે.

By Desk

Published: Tuesday, January 10, 2023, 20:26 [IST]

અમદાવાદ : અમદાવાદમાં ગુજરાત હાઈકોર્ટ ખાતે કાયદાભવનનું સ્નેહ મિલન યોજાયુ હતું. અહીં ગુજરાતના કાયદામંત્રી ઋષિકેશ પટેલ ઉપસ્થિત રહ્યાં હતાં. ઋષિકેશ પટેલે અહીં પેન્ટિંગ કેસોના નિકાસ પર ભાર મુક્યો અને જણાવ્યુ કે, સરકારી વકીલોના પ્રશ્નો, સમસ્યાઓ અને મૂંઝવણોના ઝડપી સમાધાન માટે સરકાર પ્રતિબદ્ધ છે. તેમણે કહ્યું કે, સરકારી વિભાગો અને ન્યાયતંત્ર વચ્ચે સંકલનથી પેન્ડિંગ કેસોનો ઝડપી નિકાલ આવશે.

અહીં ઋષિકેશ પટેલે આગળ વાત કરતા જણાવ્યું કે, લોકોને આજે ન્યાયપાલિકા પર વિશ્વાસ વધ્યો છે. લોકોને ઝડપી અને યોગ્ય ન્યાય મળે તે માટે રાજ્યનું ન્યાયતંત્ર હંમેશા કાર્યશીલ રહ્યું છે. લોકોને સરળતાથી અને સહજતાથી ન્યાય મળે એ માટે આપણે હંમેશા આ જ રીતે આગળ વધવાનું છે અને કાર્ય કરતાં રહેવાનું છે એમ તેમણે ઉમેર્યું હતું.

તેમણે કાયદાભવન અને તેની કાર્ય પદ્ધતિ વિશે વાત કરતાં ઉમેર્યું કે, સરકાર વતી લડી રહેલા આ ભવનના અધિકારીઓ અને વકીલો ખૂબ મહત્વની જવાબદારીઓ નિભાવતા હોય છે. તેઓને સરકારના જે તે વિભાગો સાથે સંકલન કરીને તેમનો પક્ષ અને તેમની દલીલો અંગે બ્રિફિંગ જાણીને સરકારનો પક્ષ રજૂ કરવાનો હોય છે, જે મહત્વપૂર્ણ કામગીરી છે. સરકારી વિભાગો અને ન્યાયતંત્ર વચ્ચે સંકલન અને સામંજસ્ય સ્થપાશે તો પેન્ડિંગ કેસોનો ઝડપી નિકાલ આવશે. અહીં તેમમે કહ્યું કે, સિવિલ અને ક્રિમીનલ લીટીગેશન સહિત 70 હજાર જેટલી મેટર કાયદાભવનના 78 વકીલો અને અધિકારીઓની ટીમ હેન્ડલ કરી રહી છે , જે પ્રસંશનીય છે.

કાયદામંત્રી ઋષિકેશ પટેલે આગળ જણાવ્યુ કે, સરકારી વકીલોના પ્રશ્નો, સમસ્યાઓ અને મૂંઝવણોના ઝડપી સમાધાન માટે સરકાર પ્રતિબદ્ધ છે. સિસ્ટમમાં યોગ્ય સુધારા વધારા કરીને તેમજ સરકારી વકીલો તરફથી આવતા હકારાત્મક સૂચનો અને સલાહોને પોલીસી મેકિંગમાં ઇમ્પ્લીમેન્ટ કરવા માટે સરકાર હંમેશા તૈયાર છે. સરકારી વકીલો માટે જરૂરી રીસોર્સિસ ઉપલબ્ધ કરાવવા માટે પણ સરકાર ચોક્કસ દિશામાં કાર્યો કરશે.

અહીં ઋષિકેશ પટેલે જૂના કાયદાઓ બાબતે કહ્યું કે, ન્યાયપાલિકાને વધુ સહજ અને સામાન્ય માણસ માટે સરળતાથી એપ્રોચેબલ બનાવવા માટે તથા જૂના પુરાણા કાયદાઓને રદ કરવા અથવા સુધારા કરવા માટે પણ સરકાર પ્રતિબદ્ધ છે.

Published On January 10, 2023