હરિયાણા વિધાનસભા ચૂંટણી માટે કોંગ્રેસની સ્ક્રીનિંગ કમિટી જાહેર, જિજ્ઞેશ મેવાણી સહિત આ નેતાઓનો સમાવેશ

Haryana Assembly Election 2024 : હરિયાણા વિધાનસભા ચૂંટણી માટે કોંગ્રેસે તૈયારીઓ શરૂ કરી છે. આના માટે કોંગ્રેસે સ્ક્રીનિંગ કમિટીની જાહેરાત કરી દીધી છે.

કોંગ્રેસે હરિયાણા વિધાનસભા ચૂંટણી માટે સ્ક્રીનિંગ કમિટીની રચના કરી છે. પાર્ટીએ અજય માકનને આ સમિતિના અધ્યક્ષ બનાવ્યા છે. જ્યારે મણિકમ ટાગોર, જિજ્ઞેશ મેવાણી અને શ્રીનિવાસ બીવીને તેના સભ્ય બનાવવામાં આવ્યા છે.

કોંગ્રેસ હાઈકમાન્ડે હરિયાણા ઉપરાંત મહારાષ્ટ્ર, ઝારખંડ અને જમ્મુ-કાશ્મીર માટે પણ સ્ક્રીનિંગ કમિટીની રચના કરી છે. પાર્ટીએ મહારાષ્ટ્રમાં મધુસૂદન મિસ્ત્રીને કમિટીના અધ્યક્ષ બનાવ્યા છે. આ સિવાય સપ્તગીરી શંકર ઉલ્કા, મન્સૂર અલી ખાન અને શ્રીવેલ્લા પ્રસાદને સમિતિના સભ્ય બનાવવામાં આવ્યા છે.

ઝારખંડ વિધાનસભા ચૂંટણી માટે કોંગ્રેસ દ્વારા બનાવવામાં આવેલી સ્ક્રીનિંગ કમિટીમાં ગિરીશ ચોડંકરને અધ્યક્ષ બનાવવામાં આવ્યા છે. તેમની સાથે પૂનમ પાસવાન અને પ્રકાશ જોશીને સમિતિના સભ્ય બનાવવામાં આવ્યા છે.

આ સિવાય જમ્મુ-કાશ્મીરમાં કોંગ્રેસના નેતા સુખજિંદર સિંહ રંધાવાને સ્ક્રીનિંગ કમિટીના અધ્યક્ષ બનાવવામાં આવ્યા છે. આ સમિતિમાં તેમના સિવાય એન્ટો એન્ટોની અને સચિન રાવને સભ્ય બનાવવામાં આવ્યા છે.

જણાવી દઈએ કે, હરિયાણા વિધાનસભાની ચૂંટણી આ વર્ષના અંતમાં યોજાવાની છે. આ સ્થિતિમાં કોંગ્રેસે તૈયારીઓ તેજ કરી દીધી છે. આ અંતર્ગત કોંગ્રેસે રાજ્યમાં સ્ક્રીનિંગ કમિટીની રચના કરી છે. તાજેતરમાં યોજાયેલી લોકસભાની ચૂંટણીમાં કોંગ્રેસના પાંચ સાંસદો ચૂંટાયા છે. જ્યારે 2019માં અહીં કોંગ્રેસના 31 ધારાસભ્યો ચૂંટણી જીત્યા હતા.

કોંગ્રેસ પાર્ટીએ હરિયાણામાં આગામી વિધાનસભા ચૂંટણીમાં જીતનો દાવો કર્યો છે. કોંગ્રેસે આમ આદમી પાર્ટી સાથે ગઠબંધન કરીને લોકસભા ચૂંટણી લડી હોવા છતાં બંને રાજકીય પક્ષો અલગ-અલગ વિધાનસભા ચૂંટણી લડશે. આવી સ્થિતિમાં આ ત્રિકોણીય ચૂંટણી જંગ ઘણો રસપ્રદ બની શકે છે.

English summary

Congress screening committee announced for Haryana assembly elections