કોંગ્રેસ CBIનો દુરુપયોગ કરી રહી છે: ભાજપ

By Super

Updated: Monday, February 9, 2015, 17:08 [IST]

નવી દિલ્હી, 21 માર્ચઃ ભાજપે કોંગ્રેસના નેતૃત્વવાળી યુપીએ સરકાર પર ગુરુવારે એવો આરોપ લગાવ્યો છે કે તે પોતાના સહયોગીઓને બળજબરીપુર્વક સમર્થન આપવા માટે મજબૂર કરવા માટે તેમની વિરુદ્ધ સીબીઆઇનો દુરુપયોગ કરી રહી છે. ભાજપ નેતા રાજીવ પ્રતાપ રેડ્ડીએ એક ખાનગી સમાચાર ચેનલને કહ્યું કે એ વાત સાબિત થઇ ચૂકી છે કે યુપીએ સરકાર સત્તા પર બની રહેવા માટે સીબીઆઇનો દૂરપયોગ કરી રહી છે.

તેમણે કહ્યું કે, જ્યારે સહયોગી દળ તેમનાથી અલગ થઇ રહ્યા છે, તે પોતાના અધિકારનો ઉપયોગ તેમની વિરુદ્ધ કરી રહી છે. આ બસપા અને સપાને સ્પષ્ટ સંદેશ છે કે જો તે સરકારનો સાથ છોડશે તો તેમની સામે પણ આવી જ કાર્યવાહી કરવામાં આવશે. આ એક અસ્પષ્ટ ધમકી છે.

ભાજપ પ્રવક્તા રવિશંકર પ્રસાદે કહ્યું, ' સરકાર સીબીઆઇ અને પ્રવર્તન નિદેશાલયના ભરોસે ચાલી રહી છે.' સીબીઆઇએ ડીએમકે પ્રમુખ એમ.કે કરુણાનિધિના પુત્ર એમ.કે.સ્ટાલિનના ઘરે ગુરુવારે રેડ પાડી છે.

આ કાર્યવાહી શ્રીલંકન મુદ્દે કેન્દ્ર સરકારના વલણથી અસંતુષ્ટ થતા ડીએમકે દ્વારા કોંગ્રેસના નેતૃત્વવાળી યુપીએસ સરકારથી અલગ થવાની ઘોષણા કર્યાના બે દિવસ બાદ કરવામાં આવી છે.

ડીએમકેથી અલગ થયા બાદ સપાની ભૂમિકા મહત્વપૂર્ણ થઇ ગઇ છે અને તે સરકાર પાસે સ્ટીલ મંત્રી બેની પ્રસાદ વર્માના રાજીનામાની માંગ કરી રહી છે. સપા પોતાના અધ્યક્ષ મુલાયમ સિંહ યાદવ પર તેના દ્વારા સાર્વજનિક રીતે આપત્તિજનક ટિપ્પણી કરવામાં આવતા નારાજ છે.