રાજુ શ્રીવાસ્તવે કાનપુર ટિકિટ સપાને પરત કરી, નહી લડે ચૂંટણી

કાનપુર, 11 માર્ચ: લોકસભા ચૂંટમીમાં ત્રીજા મોર્ચાના સહારે સરકાર બનાવવાનું સપનું જોઇ રહેલી સમાજવાદી પાર્ટીના મુખિયા મુલાયમ સિંહ યાદવને જોરદાર ઝટકો લાગ્યો છે. મુલાયમ સિંહના કહેવાથી જ સમાજવાદી પાર્ટીમાં હાલમાં જ જોડાયેલા કોમેડિયન રાજુ શ્રીવાસ્તવને કાનપુરથી પોતાના ઉમેદવાર જાહેર કર્યા હતા. સપા રાજુ શ્રીવાસ્તવની કોમેડીથી કાનપુર બેઠક પોતાના નામે કરવા માગતી હતી. પરંતુ રાજુ શ્રીવાસ્તવે અણીના સમયે સપાની સાયકલ પરથી કૂદકો મારી દીધો અને ચૂંટણી લડવાથી ઇનકાર કરી દીધો.

હાસ્ય કલાકાર રાજુ શ્રીવાસ્તવે સમાજવાદી પાર્ટીને પોતાના ઉમેદવારની ટિકિટ પરત કરતા ચૂંટણી લડવાનો ઇનકાર કરી દીધો છે. તેમણે જણાવ્યું કે આ પગલું તેમણે ખૂબ જ સમજી વિચારીને ભર્યું છે. રાજુએ આરોપ લગાવતા જણાવ્યું કે કાનપુરથી ઉમેદવાર થયા બાદથી જ તેમને કાર્યકર્તાઓ અને નેતાઓનો સાથ સહકાર ન્હોતો મળી રહ્યો. જેનાથી નારાજ થઇને તેમણે કાનપુરની ટિકિ પરત કરી દીધી છે.

રાજુએ સપા પ્રમુખ મુલાયમ સિંહના વખાણ કરતા જણાવ્યું કે તેમના કારણે જ આ લોકોની રોજી-રોટી ચાલે છે. તેમ છતાં આ લોકો તેમના આદેશનું પાલન નથી કરી રહ્યા. ત્યાના સ્થાનીય નેતા તેમના સ્થાને હોર્ડિંગ્સ પર પોતાની તસવીરો લગાવે છે. આ નજરઅંદાજીના કારણે તેમણે પોતાની ટિકિટ પર કરી દીધી છે. તેમણે ટિકિટ પરત કર્યા બાદ પ્રેસ કોન્ફ્રેસમાં રાજુએ જણાવ્યું કે તેમનું સપનું છે કે મુલાયમ સિંહ યાદવ દેશના વડાપ્રધાન બને છે.

Did You Know: હાસ્ય કલાકાર રાજુ શ્રીવાસ્તવ 1993થી ફિલ્મ ઇન્ડસ્ટ્રીમાં કામ કરી રહ્યા છે, પરંતુ તેમને અસલી ઓળખ ઇન્ડિયન લાફ્ટર ચેલેન્જથી મળી. તેમને આરજેડી મુખિયા લાલુ પ્રસાદ યાદવની મિમિક્રીમાં મહારથ હાસલ છે, એવું કહી શકાય.

English summary

Stand-up comedian and actor Raju Srivastava opted out of contesting elections to Kanpur seat in the Lok Sabha polls. Srivastava cited non-cooperation from the SP as the reason for his withdrawal from the poll fray.