Chhattisgarh Elections: છત્તીસગઢમાં આજે પહેલા તબક્કાનુ મતદાન, નક્સલ પ્રભાવિત વિસ્તારો સહિત 20 સીટો પર વોટિંગ

Chhattisgarh First Phase Voting: મિઝોરમની સાથે મંગળવારે છત્તીસગઢમાં પણ પ્રથમ તબક્કાનું મતદાન શરુ થઈ ગયુ છે. સવારે 7 વાગ્યાથી રાજ્યના નક્સલ પ્રભાવિત વિસ્તારો સહિત 20 બેઠકો પર પ્રથમ તબક્કામાં મતદાન થયુ.

પ્રથમ તબક્કા હેઠળ, બસ્તર વિભાગની 12 વિધાનસભા બેઠકો અને રાજનાંદગાંવ લોકસભા ક્ષેત્રની 8 વિધાનસભા બેઠકો પર મતદાન થશે. આ પહેલા રવિવાર અને સોમવારે ચુસ્ત સુરક્ષા વચ્ચે મતદાન ટીમ મતદાન કેન્દ્રો તરફ રવાના થઈ હતી.

આજે પંડારિયા, કવર્ધા, ખૈરાગઢ, ડોંગરગઢ, રાજનાંદગાંવ, ડોંગરગાંવ, ખુજ્જી, બસ્તર, જગદલપુર અને ચિત્રકોટ વિધાનસભા મતવિસ્તારો ઉપરાંત મોહલા-માનપુર, અંતાગઢ, ભાનુપ્રતાપપુર, કાંકેર, કેશકલ, કોંડાગાંવ, નારાયણપુર, નારાયણપુર, દાનવપુર અને કોન્ટા વિધાનસભા બેઠકો પર મતદાન ચાલી રહ્યુ છે.

મતદાન પ્રક્રિયાને બે સ્લોટમાં વહેંચવામાં આવશે. પ્રથમ સ્લૉટ સવારે 8થી સાંજના 5 વાગ્યા સુધી ચાલશે જ્યારે બીજો સ્લૉટ સવારે 7થી બપોરે 3 વાગ્યા સુધી ચાલશે. ચૂંટણીના પ્રથમ તબક્કામાં બસ્તર અને રાજનાંદગાંવથી 223 ઉમેદવારો ચૂંટણી લડશે. આશરે 4,078,681 મતદારો તેમના મત આપશે, જેમાં 2,084,675 મહિલાઓ, 1,993,937 પુરૂષો અને 69 ટ્રાન્સજેન્ડર લોકોનો સમાવેશ થાય છે.

નક્સલ પ્રભાવિત બસ્તર જિલ્લાના ત્રણ વિધાનસભા મતવિસ્તારો - જગદલપુર, કવર્ધા બસ્તર અને ચિત્રકોટમાં ઉચ્ચ સુરક્ષાના પગલાં વચ્ચે સવારે 8 થી સાંજના 5 વાગ્યા સુધી મતદાન યોજાશે. સુરક્ષાને ધ્યાનમાં રાખીને ડિવિઝનની નવ વિધાનસભા મતવિસ્તારોમાં મતદાનનો સમય વ્યવસ્થિત કરવામાં આવશે. આ વિસ્તારોમાં સવારે 7 વાગ્યાથી બપોરે 3 વાગ્યા સુધી મતદાન થશે.

આ મતવિસ્તારોમાં કોંડાગાંવ, નારાયણપુર, દંતેવાડા, બીજાપુર, અંતાગઢ, ભાનુપ્રતાપપુર, કાંકેર, કેશકલ અને કોન્ટાનો સમાવેશ થાય છે. બસ્તર ઉપરાંત રાજનાંદગાંવની આઠ બેઠકો પર પણ મતદાન થશે.

આ સંવેદનશીલ વિસ્તારોમાં મતદારોની સુરક્ષા સુનિશ્ચિત કરવા માટે ચૂંટણી પંચે ખાસ પગલાં લીધાં છે. 600 થી વધુ મતદાન મથકો ઉભા કરવામાં આવ્યા છે અને ત્રણ સ્તરીય સુરક્ષા કોર્ડન લાગુ કરવામાં આવી છે. સેન્ટ્રલ રિઝર્વ પોલીસ ફોર્સ (સીઆરપીએફ), બોર્ડર સિક્યુરિટી ફોર્સ (બીએસએફ), ઈન્ડો-તિબેટિયન બોર્ડર પોલીસ (આઈટીબીપી), સેન્ટ્રલ ઈન્ડસ્ટ્રીયલ સિક્યુરિટી ફોર્સ (સીઆઈએસએફ) અને રાજ્ય પોલીસ સહિત લગભગ 60,000 સુરક્ષા કર્મચારીઓ બસ્તર ડિવિઝનના 12 વિધાનસભા મતવિસ્તારોમાં તૈનાત કરવામાં આવ્યા હતા.

આનાથી દંતેવાડા, બીજાપુર, નારાયણપુર, સુકમા, કાંકેર અને કોંડાગાંવ જિલ્લામાં નક્સલવાદી ગતિવિધિઓનું વાસ્તવિક સમય પર દેખરેખ શક્ય બનશે. સુરક્ષાને વધુ મજબૂત કરવા માટે બૉમ્બ ડિસ્પોઝલ સ્ક્વૉડ અને ડૉગ સ્કવૉડને પણ સામેલ કરવામાં આવી છે.

પહેલીવાર ચૂંટણી દરમિયાન નક્સલ પ્રભાવિત વિસ્તારોમાં મહિલા કમાન્ડોને પણ તૈનાત કરવામાં આવશે. તેઓ મતદાન મથકો પર સુરક્ષા જાળવવા અને વિસ્તારમાં પેટ્રોલિંગ માટે જવાબદાર રહેશે. બે વર્ષ પહેલા બસ્તર ફાઈટર સ્પેશિયલ ફોર્સમાં ભરતી થયેલી આ મહિલા કમાન્ડોએ ચૂંટણી ફરજ માટે ખાસ તાલીમ લીધી છે. આ મહિલા કમાન્ડો દ્વારા બસ્તર વિભાગના કુલ 35 મતદાન મથકોની સુરક્ષા કરવામાં આવશે.

English summary

Chhattisgarh Assembly Elections First phase voting on 20 seats including Naxal-hit areas today