બસપા નેતા સહિત ચાર યુવકોએ વિદ્યાર્થીની સાથે ગુજાર્યો સામૂહિક બળાત્કાર

મેરઠ, 22 જુલાઇ: મેરઠમાં 12 ધોરણની એક વિદ્યાર્થીની સાથે ચાલુ કારમાં સામૂહિક બળાત્કાર ગુજાર્યો હોવાનો કિસ્સો પ્રકાશમાં આવ્યો છે. બહુજન સમાજ પાર્ટીના એક નેતા સહિત ચાર યુવકોએ શનિવારે રાત્રે વિદ્યાર્થીનીનું અપહરણ કરી આ ઘટનાને અંજામ આપ્યું હતું.

પોલીસે જણાવ્યું હતું કે શાસ્ત્રી નગરની રહેવાસી વિદ્યાર્થી શનિવારે સાંજે સાત વાગે ટ્યૂશન જઇ રહી હતી. ત્યારે રસ્તામાં બસપા નેતા સહિત ચાર યુવકોએ તેનું અપહરણ કરી લીધું હતું.

તેમને કહ્યું હતું કે આરોપીઓએ તેની સાથે ચાલુ કારમાં બળાત્કાર ગુજાર્યો હતો. પછી તેને લક્ષ્મી વિહાર વિસ્તારમાં એક મકાનમાં લઇ ગયા. ત્યાં વિદ્યાર્થીની સાથે બળાત્કાર ગુજાર્યો. ત્યારબાદ વિદ્યાર્થીનીને પીવીએસ મોલ પાસે ફેંકીને ફરાર થઇ ગયા.

એક વરિષ્ઠ પોલીસ અધિકારીએ જણાવ્યું હતું કે તે દિવસે આરોપીઓ વિદ્યાર્થીના ઘરે પહોંચ્યા હતા અને પરિવારજનો ધમકી આપી હતી કે આ અંગે કોઇને જાણ કરી તો વિદ્યાર્થીની અને તેના ભાઇને જાનથી મારી નાખવાની ધમકી આપી હતી.

તેમને જણાવ્યું હતું કે વિદ્યાર્થીનીએ બે આરોપીઓની ઓળખ કરી લીધી છે. એકનું નામ અમિત ભડાના અને બીજાનું નામ સુમિત ગુર્જર છે. કહેવામાં આવે છે કે અમિત બસપાનો સ્થાનિક નેતા છે. પોલીસે જણાવ્યું હતું કે ચારેય આરોપીઓ વિરૂદ્ધ નૌચંદી પોલીસ મથકમાં ગુનો નોંધવામાં આવ્યો છે. હજુ સુધી ચારેય આરોપી ફરાર છે.

English summary

A class 12 student was allegedly gang raped by four youths, including a BSP leader, in a moving car in Meerut, police said today.