Breach of Parliament security: સંસદની સુરક્ષાનો ભંગ કરવાનો મોટો પ્રયાસ નિષ્ફળ, ત્રણની ધરપકડ

Breach of Parliament security: સંસદની સુરક્ષામાં ભંગ કરવાના મોટા પ્રયાસને સુરક્ષા દળોએ નિષ્ફળ બનાવ્યો છે. મળતી માહિતી મુજબ, ત્રણ લોકોએ નકલી આધાર કાર્ડ દ્વારા સંસદ ભવનમાં ઘૂસવાનો પ્રયાસ કર્યો હતો.

આ ત્રણેય મજૂરો હતા, જેઓ સંસદમાં ઘૂસવાનો પ્રયાસ કરી રહ્યા હતા, પરંતુ CISFના જવાનોએ પકડી લીધા હતા.

CISFએ જણાવ્યું હતું કે, આ ત્રણેય સંસદ ભવનનાં ગેટ નંબર 3 માંથી પ્રવેશવાનો પ્રયાસ કરી રહ્યાં હતા, પરંતુ તેઓને પકડીને પોલીસને હવાલે કરવામાં આવ્યા છે. પોલીસ આ ત્રણેય આરોપીઓની પૂછપરછ કરી રહી છે.

દિલ્હી પોલીસે જણાવ્યું કે, ત્રણેય આરોપીઓની ઓળખ મોનિસ, શોએબ અને કાસિમ તરીકે થઈ છે. ત્રણેય પાસેથી નકલી આધાર મળી આવ્યા છે. તેમની સામે બનાવટી અને છેતરપિંડીનો કેસ નોંધવામાં આવ્યો છે.

અત્રે નોંધનીય છે કે, આ પહેલીવાર નથી જ્યારે સંસદની સુરક્ષાને તોડવાનો પ્રયાસ કરવામાં આવ્યો હોય. આ પહેલા ગત વર્ષે ડિસેમ્બર મહિનામાં પણ આવી જ એક ઘટના સામે આવી હતી.

ઉલ્લેખનીય છે કે, 13 ડિસેમ્બરે પ્રેક્ષક ગેલેરીમાં બેઠેલા બે લોકો ગૃહની અંદર કૂદી પડ્યા હતા. બંનેએ ડબ્બામાંથી પીળો ધુમાડો ફેલાવ્યો હતો.

English summary

Breach of Parliament security: Major attempt to breach Parliament security foiled, three arrested